បរទេស៖ លោក Frank Lampard អ្នកចាត់ការទូទៅរបស់ Everton បានបាក់ប្រអប់ដៃរបស់លោក ដោយសារតែធ្វើការអបអរជ្រុលខ្លាំងពេក ក្រោយពី Alex Iwobi បានរកគ្រាប់បាល់បញ្ចូលទីនៅនាទី ទី៩៩ ដើម្បីផ្តួលក្រុម Newcastle ក្នុងលទ្ធផល ១-០ និងជួយឲ្យក្រុមទូកក្តោងដែលនៅសល់សមាជិកត្រឹមតែ១០នាក់មួយនេះ នាំមុខ៣ពិន្ទុដាច់លើក្រុមស្ថិតក្នុងតំបន់កាត់ចោលនៃក្របខ័ណ្ឌ Premier League។
ការផ្អាកការប្រកួតនៅតង់ទី២ ដោយសារតែអ្នកតវ៉ាម្នាក់ បានចងខ្លួនឯងទៅនឹងបង្គោលទី និងការត្រួតពិនិត្យវីដេអូជំនួយការអាជ្ញាកណ្តាល ដែលនាំឲ្យ Allan រងពិន័យកាតក្រហម បានធ្វើឲ្យមាននាទីបន្ថែមរហូតដល់ទៅ១៤នាទីនាកីឡដ្ឋាន Goodison Park។
ប៉ុន្តែ ក្រុមរបស់លោក Lampard ធ្វើបានល្អប្រសើរជាង ខណៈដែល Dominic Calvert-Lewin បានបញ្ជូនបាល់ទៅឲ្យ Iwobi ដើម្បីរកគ្រាប់បាល់បញ្ចូលទីដ៏សំខាន់បំផុតក្នុងអាជីពរបស់គេនៅក្លិប Everton បើគិតចាប់តាំងពីផ្ទេរមកពីក្លិប Arsenal ក្នុងតម្លៃខ្លួន៤០លានផោន (ស្មើនឹង៥២លានដុល្លារអាមេរិក) កាលពី៣ឆ្នាំមុន។
លោក Lampard ដែលបានបង្ហាញពីស្នាមដាច់រលាត់ដ៏ធំ ត្រង់ប្រអប់ដៃយ៉ាងឆ្វេងរបស់លោកនោះ បាននិយាយថា៖ «ខ្ញុំបានធ្វើឲ្យប្រអប់ដៃរបស់ខ្ញុំបាក់ ក្នុងពេលធ្វើការអបអរ។ ខ្ញុំមានការឈឺចាប់បន្តិច ប៉ុន្តែ ខ្ញុំមិនខ្វល់ឡើយ»៕
ប្រភពព័ត៌មាន៖ Channel News Asia