បរទេស៖ លោក Pep Guardiola បានបញ្ជាក់ថា បញ្ហារបួសរបស់ Fernandinho នៅជិតបញ្ចប់ការប្រកួតក្នុងពេលក្រុម Manchester City ដណ្តើមបានជ័យជម្នះក្នុងលទ្ធផល ៣-១ លើក្រុម Porto ដើម្បីចាប់ផ្តើមយុទ្ធនាការនៃក្របខ័ណ្ឌ Champions League របស់ពួកគេ នឹងមិនទាន់ក្លាយជាចំណុចដែលក្រុមរបស់លោករងនូវផលប៉ះពាល់ខ្លះដោយសារតែកម្មវិធីប្រកួតដ៏មមាញឹកឡើយ។
Man City នឹងត្រូវធ្វើការប្រកួត១៧លើកទៀត ក្នុងឆ្នាំ២០២០នោះ ខណៈដែលរាល់ការប្រកួតទាំង៦លើកក្នុងក្របខ័ណ្ឌ Champions League វគ្គចែកពូល នឹងប្រព្រឹត្តទៅត្រឹមរយៈពេល៦សប្តាហ៍ នៅចន្លោះពេលនៃការសម្រាកសម្រាប់យុទ្ធនាការអន្តរជាតិនាខែវិច្ឆិកា។ ក្រុមរបស់លោក Guardiola បានជួបការលំបាកក្នុងការបង្ហាញពីកម្រិតលេងដ៏ខ្លាំងរបស់ខ្លួន នៅរដូវកាលនេះ ដោយសារតែការសម្រាកក្នុងពេលដ៏ខ្លី មុនបើករដូវកាល បញ្ហានៃការឆ្លងវីរុសកូរ៉ូណា និងបញ្ហារបួសកីឡាករ។ លោក Guardiola បានឲ្យដឹងថា៖ «នេះគឺជាការចាប់ផ្តើមដ៏ល្អសម្រាប់យើង។
យើងបានដឹងថា ក្នុងការប្រកួតនៅលើទឹកដីខ្លួនឯង យើងត្រូវតែឈ្នះនៅក្នុងយុទ្ធនាការនេះ»។ លោកបានបន្ថែមទៀតថា៖ «របួសរបស់ Fernandinho គឺជាដំណឹងអាក្រក់ រូបគេមានបញ្ហាសាច់ដុំ ហេតុនេះ រូបគេនឹងវត្តមានក្នុងពេលដ៏សំខាន់។ ក្នុងពេលនេះ យើត្រូវការគ្រប់គ្នា ប៉ុន្តែ ជាមួយនឹងកម្មវិធីប្រកួតនេះ បញ្ហារបួសត្រូវតែកើតឡើង»៕
ប្រភពព័ត៌មាន៖ Channel News Asia