បរទេស៖ អតីតខ្សែបម្រើ-ប្រយុទ្ធស្លាបក្រុមតោខៀវ Chelsea លោក Joe Cole បានច្រានចោលក្លឹបការពារតំណែងជើងឯក Real Madrid ថានិងអាចលើកពាន Champion League លើកទី១៥នៅរដូវកាលកាលនេះខណៈដែលបុរសសញ្ជាតិអង់គ្លេសបានពណ៌នាដោយលើកឡើងពីក្លឹបធំៗចំនួន៤ស្ថិតក្នុងចំណោមក្រុមដែលអាចឈ្នះពានរង្វាន់កំពូលទ្វីបអឺរ៉ុប នៅរដូវកាលនេះទេ។
អតីតយុវជនក្លឹបញញួរធំWest Hamបានប្រាប់ BT Sport ថា : ខ្ញុំនៅតែគិតថា Paris Saint-Germain, Manchester City, Liverpool និង Bayern Munich មានកម្រិតខ្ពស់ជាងReal Madrid នៅរដូវកាលនេះ។ពួកគេបានឈ្នះ Champions League ហើយអ្នកត្រូវតែផ្តល់កិត្តិយសដ៏ធំដល់ពួកគេ ពួកគេពិតជាពោរពេញទៅដោយកីឡាករលំដាប់ពិភពលោក ប៉ុន្តែសូមយល់ថាកីឡាករទាំងអស់នេះអាចរកក្សាទម្រង់លេង បានដូចដែលពួកគេធ្វើបានកន្លងមករឺយ៉ាងណានោះទេ?។ ជាក់ស្តែងការប្រកួតជាមួយ Chelsea ,Man City និង Liverpool កន្លងមកនៅវគ្គផ្តាច់ព្រ័ត្រ Courtois មានការងារធ្វើជាច្រើន តើពួកគេអាចធ្វើបែបនេះបន្តទៅទៀតបានទេ?
ផ្ទុយទៅវិញបើយើងក្រឡេកមើលតាមការអះអាងរបស់Joe Cole ក្រុមទំាងបីក្នុងចំណោម៤ខាងលើគឺត្រូវបានReal Madrid ផ្តួលដើម្បីលើកពាន Champions League ខណៈដែលអ្នកវិភាគកីឡាកររូបនេះធ្លាប់បានលើកឡើងថាក្រុមអធិរាជ សReal Mdrid មិនមានឪកាសឡើងទៅវគ្គផ្តាច់ព្រាត់នោះទេកាលពីរដូវកាលចាស់៕
ប្រភពព័ត៍មាន៖ Tribuna