បរទេស៖ តារាឆ្នើមចំណូលថ្មី Hakim Ziyech របស់ក្លិប Chelsea បាននិយាយពីអារម្មណ៍របស់គេថា រូបគេបានរង់ចាំការផ្ទេរដ៏គួរឲ្យភ្ញាក់ផ្អើលមួយទៅកាន់កីឡដ្ឋាន Stamford Bridge ជាងការផ្ទេរទៅកាន់ក្លិប Arsenal ឬ Barcelona កាលពី២ឆ្នាំមុន។
ខ្សែបម្រើស្លាបអន្តរជាតិម៉ារ៉ុករូបនេះធ្លាប់បាននិយាយពីក្តីសុបិនរបស់គេកាលពីមុនទាក់ទងនឹងការផ្ទេរចេញពីក្លិប Ajax ទៅកាន់ក្រុមកាំភ្លើងធំ ឬ Barcelona ប៉ុន្តែ ការផ្ទេរទាំង២លើកនេះ មិនបានកើតឡើងឡើយ។ Ziyech បានបន្តលេងនៅទីក្រុង Amsterdam និងបានជួយឲ្យក្រុម Ajax ឈានទៅប្រកួតក្របខ័ណ្ឌ Champions League វគ្គពាក់កណ្តាលផ្តាច់ព្រ័ត្រកាលពីឆ្នាំ២០១៩ នៅមុនពេលចូលរួមជាមួយនឹងក្លិប Chelsea ក្នុងតម្លៃខ្លួន៣៧លានផោន (ស្មើនឹ៤៨លានដុល្លារអាមេរិក) ក្នុងពេលបើកទីផ្សាសរដោះដូរកីឡាករកាលពីរដូវក្តៅ។ បច្ចុប្បន្ន កីឡាករវ័យ២៧ឆ្នាំរូបនេះ កំពុងតែសម្របខ្លួនយ៉ាងរីករាយនៅកីឡដ្ឋាន Stamford Bridge និងកំពុងតែព្យាយាមធ្វើឲ្យរូបគេមានភាពរឹងមាំទាំងស្រុង ក្រោយពីមានបញ្ហាជង្គង់។
រូបគេបានទទួលស្គាល់ពីការរីករាយរបស់គេចំពោះការផ្ទេរទៅកាន់ក្របខ័ណ្ឌ Premier League។ Ziyech បាននិយាយកាលពីថ្ងៃព្រហស្បតិ៍ថា៖ «កាលពី២ឆ្នាំមុន ខ្ញុំស្ទើរតែបានផ្ទេរទៅកាន់កន្លែងផ្សេទៅហើយ ប៉ុន្តែ ការផ្ទេរនោះមិនបានកើតឡើងឡើយ។ សម្រាប់ខ្ញុំផ្ទាល់ កាលរំឭករឿងកាលពីមុន ខ្ញុំមិនចង់រំឭកឡើយ»៕
ប្រភពព័ត៌មាន៖ Channel News Asia
