បរទេស៖ ខ្សែបម្រើប្រយុទ្ធស្លាប Hakim Ziyech របស់ក្រុមតោខៀវChelsea បានខកខានបង្ហាញខ្លួនចូលលេងសម្រាប់ក្រុមជម្រើសជាតិម៉ារ៉ុកដ៏គួរឱ្យភ្ញាក់ផ្អើលក្នុងពេលយុទ្ធនាការ ប្រកួតជម្រុះ World Cup ២០២២ របស់ពួកគេកាលពីសប្តាហ៍មុន។
លោក Vahid Halilhodzic ដែលជាគ្រូបង្វឹកក្រុមជម្រើសជាតិក្រុមមកពីទ្វីបអាហ្រ្វិកមួយនេះបានបំភ្លឺជុំវិញស្ថានភាពចំងល់នេះថា៖ «ជាលើកដំបូងនៅក្នុងអាជីពជាគ្រូបង្វឹករបស់ខ្ញុំ ដែលបានឃើញអាកប្បកិរិយាដែលធ្វើឱ្យខ្ញុំខកចិត្តបំផុតមួយនេះទេ។ កីឡាករម្នាក់នោះ (Ziyech) បដិសេធមិនព្រមចូលរួមជាមួយនឹងក្រុមជម្រើសជាតិ ហើយបានសារភាពដោយសំអាងលើកហេតុផលថា រូបគេមានរបួសទៅវិញ។ បុគ្គលិកពេទ្យបានធ្វើការពិនិត្យជាច្រើនដងមកហើយ ហើយនិយាយថាគាត់អាចលេងបាន។ បន្ទាប់មកគាត់បានបដិសេធមិនព្រមហ្វឹកហាត់កំដៅសាច់ដុំនៅតង់ទី ២ ដោយសារតែគាត់ខកចិត្តក្នុងការលេងជាកីឡាករបម្រុង ។ សម្រាប់ខ្ញុំឥរិយាបថប្រភេទនោះមិនអាចទទួលយកបានទេ។ អ្នកមិនអាចបោកប្រាស់ជាមួយក្រុមជម្រើសជាតិបានទេ»។
ម៉ារ៉ុកនឹងត្រូវជួបស៊ូដង់នៅថ្ងៃទី ២ ខែកញ្ញា២០២១នេះតែម្តង ក្នុងការប្រកួតវគ្គជម្រុះ World Cup ខណៈអតីតខ្សែបម្រើក្រុមAjax រូបនេះ នឹងមិនចូលរួមក្នុងការប្រកួតនេះទេ។ ខ្សែបម្រើស្លាបរបស់ក្រុមម្ចាស់ជើងឯកChampion League ២០២០-២០២១ បានអវត្តមានពីក្រុមដោយបដិសេធមិនព្រមជួបជុំនៅទីលានហ្វឹកហាត់នោះទេ៕
ប្រភពព័ត៍មាន៖ Sportskeeda