បរទេស៖ ខ្សែប្រយុទ្ធ Jamie Vardy បានចូលលេងក្នុងនាមជាកីឡាករបម្រុង ដើម្បីរកគ្រាប់បាល់បញ្ចូលទីកាត់សេចក្តីក្នុងពេលប្រកួតជាមួយនឹងក្រុម Arsenal ដើម្បីជួយឲ្យក្រុម Leicester ទទួលជ័យជម្នះ ២-១ និងដេញតាមពីក្រោយក្រុមកំពុងតែនាំមុខលើកំពូលតារាង Premier League ត្រឹមតែ១ពិន្ទុ ក្រោយពីដណ្តើមបានជ័យជម្នះជាលើកដំបូងលើទឹកដីក្រុមកាំភ្លើង បើគិតចាប់តាំងពីឆ្នាំ១៩៧៣ កាលពីថ្ងៃអាទិត្យ។
Vardy ទើបតែបានជាសះស្បើយពីរបួសដើម្បីអាចចូលលេងក្នុងនាមជាកីឡាករបម្រុង ក្រោយពីបានរងរបួសកំភួនជើង ប៉ុន្តែ លោក Rodgers អ្នកចាត់ការទូទៅរបស់ក្រុម Leicester បានដាក់ឲ្យខ្សែប្រយុទ្ធរូបនេះចូលលេងនៅរយៈពេល៣០នាទីចុងក្រោយ។ Vardy បានឆ្លើយតបវិញជាមួយនឹងរកគ្រាប់បាល់ទី៦របស់គេនៅរដូវកាលនេះ។ លោក Rodgers បានឲ្យដឹងថា៖ «ផែនការរបស់យើងគឺការដាក់ឲ្យ Jamie Vardy ចូលលេង ហើយរូបគេអាចបង្កើតការភ្ញាក់ផ្អើល»។
ជាមួយគ្នានេះ លោក Mikel Arteta គ្រូបង្វឹករបស់ក្រុម Arsenal បានរិះគន់ការសម្រេចចិត្តមិនអនុញ្ញាតឲ្យគ្រាប់បាល់របស់ Alexandre Lacazette ចូលទីជាផ្លូវការ ដោយចាត់ទុកថា ជាបាល់ offside នៅដើមតង់ទី១។ គ្រូបង្វឹករូបនេះបានឲ្យដឹងថា៖ «ខ្ញុំពិតជាខកចិត្តណាស់។ យើងបានគ្រប់គ្រងការប្រកួតក្នុងដៃនៅតង់ទី១ ហើយខ្ញុំមិនដឹងថា ហេតុអ្វីបានថា គ្រាប់បាល់នោះមិនត្រូវបានយកជាផ្លូវការ»៕
ប្រភពព័ត៌មាន៖ BBC
