បរទេស៖ លោក Juergen Klopp អ្នកចាត់ការទូទៅរបស់ក្រុម Liverpool បាននិយាយកាលពីថ្ងៃចន្ទ Midtjylland គឺជាគូប្រកួតដ៏ខ្លាំងមួយដែលមិនអាចមើលស្រាលបានឡើយ ហើយក្រុមស្ថិតក្នុងក្របខ័ណ្ឌ Premier League របស់លោក មិនបានចាត់ទុកពួកគេជាក្រុមតូចឡើយ នៅក្នុងក្របខ័ណ្ឌ Champions League។
ក្លិបរបស់ដាណឺម៉ាកមួយនេះ បានឈ្នះកៅអីទៅលេងក្នុងក្របខ័ណ្ឌ Champions League វគ្គចែកពូល ជាលើកទី១នៅរដូវកាលនេះ ប៉ុន្តែ លោក Klopp បានបញ្ជាក់ថា លោកបានស្គាល់យ៉ាងច្បាស់ពីគម្រោងរបស់ពួកគេ នៅមុនពេលលោកបានទទួលការងារនៅក្នុងក្រុម Liverpool។ នៅមុនពេលការប្រកួតនាកីឡដ្ឋាន Anfield នៅរាត្រីនេះ លោក Klopp បានប្រាប់អ្នកយកព័ត៌មានថា៖ «យើងមិនចាត់ទុកក្រុម Midtjylland ជាក្រុមតូចមួយឡើយ។ ពួកគេស្ថិតនៅក្នុងការប្រកួតនេះ ដោយសារតែពួកគេបានទទួលសិទ្ធិដើម្បីប្រកួត»។ លោកបានបន្ថែមទៀតថា៖ «ខ្ញុំដឹងរឿងរ៉ាវរបស់ក្លិបនេះ និងសមិទ្ធិផលដែលពួកបានព្យាយាមសម្រេចឲ្យបាន។ នោះគឺជាគម្រោងដ៏គួរឲ្យចាប់អារម្មណ៍មួយ។
កាលពី៥ឆ្នាំមុន ក្នុងពេលខ្ញុំសម្រាកពីការងារ ខ្ញុំចាប់អារម្មណ៍ក្នុងការធ្វើដំណើរទៅកាន់ទីនោះ ដើម្បីមើលពីចំណុចផ្សេងៗដែលស្រេចបាន ប៉ុន្តែ បន្ទាប់មក ខ្ញុំបានចុះហត្ថលេខាជាមួយនឹង Liverpool»។ ប៉ុន្តែ ទោះបីជាយ៉ាងណា Liverpool ប្រឈមមុខនឹងវិបត្តិរបួសកីឡាករ ខណៈដែលលោក Klopp បាននិយាយថា ខ្សែបម្រើ Thiago Alcantara និង Naby Keita រួមនឹងខ្សែការពារ Joel Matip ប្រហែលជាមិនអាចចូលលេបានឡើយ៕
ប្រភពព័ត៌មាន៖ Channel News Asia
