បរទេស៖ ក្រុមបាល់ទាត់ជម្រើសជាតិអង់គ្លេស កាលពីថ្ងៃព្រហស្បតិ៍ បានទទួលការអនុញ្ញាតឲ្យធ្វើជាម្ចាស់ផ្ទះទទួលក្រុមបាល់ទាត់ជម្រសើជាតិអ៊ីស្លង់ ក្នុងការប្រកួតពាន Nations League នៅសប្តាហ៍ក្រោយ នាកីឡដ្ឋាន Wembley ក្រោយពីរដ្ឋាភិបាលចក្រភពអង់គ្លេស បានចេញលិខិតលើកលែងលើការធ្វើដំណើរមួយសម្រាប់គូប្រកួតរបស់ខ្លួន។
ជាមួយគ្នានេះ មានព័ត៌មានថា ប្រទេសអាល់បានី ក៏ជាជម្រើសមួយផ្សេងទៀតងផងដែរ ក្រោមការស្នើពី UEFA ប៉ុន្តែ បច្ចុប្បន្ន ទីក្រុងឡុងដ៍ បានបើកភ្លើងខៀវ ដើម្បីធ្វើជាម្ចាស់ផ្ទះក្នុងការប្រកួតនេះ។ FA បានឲ្យដឹងក្នុងសេចក្តីថ្លែងការណ៍មួយថា៖ «យើងពិតជារីករាយណាស់ក្នុងការបញ្ជាក់ថា ក្រោយពីកិច្ចពិភាក្សានានា ជាមួយនឹងអាជ្ញាធរពាក់ព័ន្ធ ការប្រកួតពាន UEFA Nations League ជាមួយនឹងក្រុមអ៊ីស្លង់ នាថ្ងៃពុធសប្តាហ៍ក្រោយ នឹងដំណើរការនៅកីឡដ្ឋាន Wembley»៕
ប្រភពព័ត៌មាន៖ Channel News Asia