បរទេស៖ ក្រុមបាល់ទាត់ជម្រើសជាតិអេស្ប៉ាញ បានទទួលជ័យជម្នះ២លើកជាប់ៗគ្នាក្នុងការប្រកួត UEFA Nations League កាលពីថ្ងៃអាទិត្យ ក្រោយពីបានយកឈ្នះលើក្រុមជម្រើសជាតិសាធារណៈរដ្ឋឆែក ក្នុងលទ្ធផល ២-០ ស្របបេលដែលគូប្រកួតក្នុងពូលតែមួយ ព័រទុយហ្គាល់ បានរបូតគ្រាប់បាល់១គ្រាប់ ក្រោយពីលេងបានត្រឹមតែ៥៧វិនាទី មុននឹងចាញ់ក្រោមស្នាដៃក្រុមបាល់ទាត់ជម្រើសជាតិស្វ៊ីស។
ក្រុមបាល់ទាត់ជម្រើសជាតិអេស្ប៉ាញ បានរកគ្រាប់បាល់នាំមុខ នៅក្នុងទីក្រុង Malaga ក្រោយពីលេងបាន២៤នាទី នៅពេលដែលការបញ្ជូនបាល់យ៉ាងល្អពី Marco Asensio បានជួយឲ្យ Carlos Soler រកបានគ្រាប់បាល់បញ្ចូលទី។ Pablo Sarabia បានបន្ថែមគ្រាប់បាល់ទីនៅនាទី ទី៧៥ ខណៈដែលក្រុមបាល់ទាត់ជម្រើសជាតិអេស្ប៉ាញ បានយកឈ្នះលើក្រុមជម្រើសជាតិឆែក ក្រោយពីក្រុមទាំង២ បានបញ្ចប់ត្រឹមលទ្ធផលស្មើ ២-២ ក្នុងទីក្រុង Prague កាលពីសប្តាហ៍មុន។
ក្រោយពីជួយឲ្យក្រុមខ្លួនទទួលជ័យជម្នះ Soler បាននិយាយថា៖ «ខ្ញុំសង្ឃឹមថា នឹងវិលទៅកាន់ការប្រកួតអន្តរជាតិបន្ទាប់ឈ្នះ និងទទួលបានការកោះហៅទៅ World Cup»។ នៅទីក្រុង Geneva ឯនោះវិញ ក្រុមជម្រើសជាតិស្វ៊ីស បានរកគ្រាប់បាល់នាំមុខ ក្រោយពីលេងបានត្រឹមតែនាទី ទី៥៧ ពេលប្រកួតជាមួយនឹងក្រុមជម្រើសជាតិព័រទុយហ្គាល់ ដែលលេងដោយគ្មាន Cristiano Ronaldo ដើម្បីកត់ត្រាជ័យជម្នះក្នុងលទ្ធផល ១-០៕
ប្រភពព័ត៌មាន៖ Channel New Asia