បរទេស៖ ក្រុមម្ចាស់ជើងឯកពិភពលោក បារាំង បានឈ្នះពាន Nations League ក្រោយពីការរកគ្រាប់បាល់បញ្ចូលទីពីសំណាក់ខ្សែប្រយុទ្ធ Karim Benzema និង Kylian Mbappe បានជួយឲ្យពួកគេ ដណ្តើមបានជ័យជម្នះក្នុងលទ្ធផល ២-១ លើក្រុមជម្រើសជាតិអេស្ប៉ាញ នាកីឡដ្ឋាន San Siro កាលពីថ្ងៃអាទិត្យ។
ក្រុមរបស់លោក Didier Deschamps បានជួបការលំបាកក្នុងការបង្ហាញពីកម្រិតលេងដ៏ល្អរបស់ខ្លួន ក្នុងការប្រកួតនេះ ខណៈដែលអេស្ប៉ាញ បានគ្រប់ការប្រកួតស្ទើរតែទាំងស្រុងក្នុងតង់ទី១ ប៉ុន្តែ បន្ទាប់ពីបានដេញតាមពីក្រោយគ្រាប់បាល់មួយគ្រាប់ តាមរយៈគ្រាប់បាល់របស់កីឡាករ Mikel Oyarzabal បារាង មានទម្រង់លេងរស់រវើកឡើងវិញ។ ស្របពេលដែល Paul Pogba លេងបាល់បានយ៉ាងល្អក្នុងតំបន់បម្រើ ល្បឿន និងចលនាយ៉ាងរហ័សរបស់ Mbappe បានផ្តល់ការលំបាកដល់អេស្ប៉ាញ ហើយ Benzema ក៏បានបង្ហាញពីទម្រង់លេងយ៉ាងមុតស្រួចក្នុងតំបន់ប្រយុទ្ធផងដែរ។
Soccer Football – Nations League – Final – Spain v France – San Siro, Milan, Italy – October 10, 2021 France’s Hugo Lloris lifts the trophy as they celebrate after winning the Nations League REUTERS/Alberto Lingria
ក្រុមអេស្ប៉ាញដែលប្រជុំដោយកីឡាករវ័យក្មេងរបស់លោក Luis Enrique ដែលបានផ្តួលក្រុមប្រចាំតំបន់អឺរ៉ុប អ៊ីតាលី ក្នុងវគ្គពាក់កណ្តាលផ្តាច់ព្រ័ត្រ បានព្យាយាមគ្រប់គ្រងឲ្យបានច្រើន ជាមួយនឹងភាពអត់យ៉ាងល្អ ប៉ុន្តែ ត្រឹមតែអាចជួបការខកចិត្ត ដោយសារតែការមិនមានខ្សែប្រយុទ្ធដ៏ឆ្នើមម្នាក់៕
ប្រភពព័ត៌មាន៖ Channel News Asia
