vបរទេស៖ ហូឡង់បានចាប់ផ្តើមយុទ្ធនាការប្រកួត Nations League ដ៏ល្អ ដោយបានផ្តួលក្រុមខ្លាំងនិងជាប្រទេសជាប់ភូមិផងរបងគឺបែលហ្ស៊ិក ក្នុងលទ្ធផល៤ ទល់និង១ ខណៈដែលពួកគេ បានបាត់បង់កីឡាករ Romelu Lukaku ដោយសាររបួស។

ខ្សែប្រយុទ្ធBarcelona កីឡាករ Memphis Depay មានឪកាស រកបានគ្រាប់បាល់ពីរគ្រាប់យ៉ាងអស្ចារ្យក្នុងការប្រកួតនៅទីក្រុងប្រ៊ុចសែល។ក្រៅពីនោះគឺមានកីឡាករ កីឡាករ Steven Bergwijn របស់ Tottenham និង Denzel Dumfries បានស៊ុតបាល់បញ្ចូលទីមួយគ្រាប់ផងដែរមុនពេល Batshuayi រកបាន១គ្រាប់វាយបកដើម្បីកុំអោយម្ចាស់ផ្ទះបាក់មុខនៅ​នាទីទីទី​៩០+៣​។ជ័យជម្នះនេះបានបន្តកំនត់ត្រាមិនស្គាល់ចាញ់របស់អ្នកចាត់ ការ​ទូទៅ Louis van Gaal មិនដែលចាញ់១០ប្រកួតក្រោយចូលមក​ដឹកនាំ​បិសាចទឹកក្រូចហូឡង់ជាលើកទីពីរ។

ហូឡង់មានបំណងចង់ស្តារមុខមាត់លើឆាកអន្តរជាតិឡើងវិញក្រោយបរាជ័យក្នុងវគ្គជម្រុះទៅលេងព្រឹត្តការណ៏ World Cup ២០១៨ និងបន្តចាញ់ក្នុងវគ្គ ៨ ក្រុមចុងក្រោយនៃពាន Euro ២០២០៕

ប្រភពព័ត៍មាន៖ BBC