បរទេស៖ ក្រុមបាល់ទាត់ជម្រើសជាតិអង់គ្លេស បានបញ្ចប់ក្តីសង្ឃឹមរបស់ក្រុមជម្រើសជាតិអង់គ្លេស សម្រាប់ការប្រជែងឈានទៅប្រកួតជុំផ្តាច់ព្រ័ត្រនៃយុទ្ធនាការ Nations League តាមរយៈការដណ្តើមបានជ័យជម្នះក្នុងលទ្ធផល ២-០ កាលពីថ្ងៃអាទិត្យ។
ក្រុមជម្រើសជាតិបែលហ្ស៊ិក ស្ទើរតែបានចូលរួមជាមួយនឹងក្រុមម្ចាស់ជើងឯកពិភពលោក បារាំង ក្នុងការប្រកួតជុំផ្តាច់ព្រ័ត្រនៅខែតុលា ឆ្នាំក្រោយ នៅពេលដែលក្រុមជម្រើសជាតិអ៊ីស្លង់ បានរកគ្រាប់បាល់តាមស្មើ ១-១ ជាមួយនឹងក្រុមស្ថិតក្នុងពូលតែមួយ ដាណឺម៉ាក ក្នុងទីក្រុង Copenhagen។ ប៉ុន្តែ ទោះបីជាយ៉ាងណា គ្រាប់បាល់ពីការស៊ុតប៉េណាល់ទីនៅជិតបញ្ចប់ការប្រកួត ពីសំណាក់ខ្សែប្រយុទ្ធ Christian Eriksen បានជួយឲ្យដាណឺម៉ាក ដណ្តើមបានជ័យជម្នះក្នុងលទ្ធផល ២-១ និងរក្សាក្តីសង្ឃឹមរបស់ខ្លួន ក្នុងការឡើឈរពីលើក្រុមជម្រើសជាតិបែលហ្ស៊ិក នៅក្នុងពូល A2។ កីឡាករ Youri Tielemans និង Dries Mertens បានស៊ុតបាល់បញ្ចូលទីទាំង២គ្រាប់ ដើម្បីជួយឲ្យក្រុមជម្រើសជាតិបែលហ្ស៊ិក ដណ្តើមបានជ័យជម្នះលើក្រុមជម្រើសជាតិរបស់លោក Gareth Southgate។
ការរងបរាជ័យជាលើកទី២ជាប់ៗគ្នា ធ្វើឲ្យក្រុមជម្រើសជាតិអង់គ្លេស ធ្លាក់ទៅឈរក្នុងចំណាត់ថ្នាក់លេខ៣ ដោយដេញតាមពីក្រោយក្រុមជម្រើសជាតិបែលហ្ស៊ិក ដល់ទៅ៥ពិន្ទុ ខណៈនៅសល់តែ១ប្រកួតទៀតប៉ុណ្ណោះ។ ការដណ្តើមបានជ័យជម្នះរបស់ក្រុមជម្រើសជាតិដាណឺម៉ាក លើក្រុមជម្រើសជាតិអ៊ីស្លង់ មានន័យថា បែលហ្ស៊ិក ត្រូវការត្រឹមតែ១ពិន្ទុប៉ុណ្ណោះ នៅពេលដែលពួកគេធ្វើជាម្ចាស់ផ្ទះទទួលក្រុមដាណឺម៉ាក នៅថ្ងៃពុធ ដើម្បីឈ្នះកៅអីទៅជុំផ្តាច់ព្រ័ត្រ៕
ប្រភពព័ត៌មាន៖ Channel News Asia
