បរទេស៖ វីរបុរសក្រុមបិសាចក្រហម Man. United លោក Paul Scholes បានសារភាពថាធ្លាប់ ពិចារណាផ្លាស់ទៅកាន់ក្រុមគូប្រជែងគឺ Everton ដើម្បីមានឪកាសបានលេងជាមួយអតីតមិត្តរួមក្រុមPhil Neville មុនពេល សម្រេចចិត្តចូលនិវត្តន៍ពីកីឡាបាល់ទាត់ទាំងស្រុងកាលពីឆ្នាំ ២០១២ ។
គួររំលឹកឡើងវិញថាអតីតកីឡាករក្រុម ជម្រើសជាតិអង់គ្លេសបានព្យួរស្បែកជើងចូលនិវត្តន៏ពីក្លឹបបាល់ ទាត់អាជីពនៅឆ្នាំ ២០១១ បន្ទាប់ពីចំណាយពេល ១៦ ឆ្នាំលេងនៅទឹកដី Old Trafford ជាមួយក្រុមម្ចាស់ជើងឯកអង់គ្លេស ២០សម័យរួចមក។
អតីតខ្សែបម្រើកណ្តាលរូបនេះ បានបដិសេធសំណើពីកំពូលគ្រូបង្វឹកលោក Sir Alex Ferguson ដើម្បីបន្តកិច្ចសន្យាថ្មីនាពេលនោះផងដែរ ប៉ុន្តែទោះយ៉ាងណាក្រោយ ឈប់សម្រាកអស់រយៈពេល ៤ ខែ Scholes ចង់ត្រលប់មកចូលលេងបាល់ទាត់ វិញបន្ទាប់ពីទទួលការងារជាគ្រូបង្វឹកក្រុមបាល់ទាត់យុវជនអាយុក្រោម ២៣ ឆ្នាំរបស់ក្លឹប។ តែកីឡាករដែលមានជំនាញស៊ុតបាល់ពីចំងាយរូបនេះគិតថាបន្ទាប់ពីខកខានរហូតរហូតដល់ទៅ៧ខែក្នុងនាមជាកីឡាករនៅលើទីលាននិងឈានចូលដល់វ័យ ៣៦ ឆ្នាំទៅហើយនោះ លោក Ferguson លែងត្រូវការរូបគេទៀតហើយ៕
ប្រភពព័ត៍មាន៖ Metro
