បរទេស៖ Phil Foden បានថ្លែងអំណរគុណដល់លោក Gareth Southgate ចំពោះការរក្សាការជឿជាក់របស់លោកលើរូប ក្រោយពីខ្សែបម្រើអន្តរជាតិអង់គ្លេសរូបនេះ បានស្តារមុខមាត់ត្រឡប់មកវិញចំពោះ «ដំណាក់កាលដ៏លំបាកបំផុតមួយក្នុងជីវិតរបស់គេ» តាមរយៈការស៊ុតបាល់បញ្ចូលទី២គ្រាប់ ក្នុងពេលក្រុមខ្លួនដណ្តើមបានជ័យជម្នះ ៤-០ លើក្រុមជម្រើសជាតិអ៊ីស្លង់ កាលពីថ្ងៃពុធ។
Foden ត្រូវបានបញ្ជូនឲ្យវិលត្រឡប់ទៅផ្ទះវិញ ដោយលោក Southgate រួមជាមួយនឹងខ្សែប្រយុទ្ធ Mason Greenwood របស់ក្លិប Manchester United ក្រោយពីកីឡាករទាំង២ បានប្រព្រឹត្តល្មើសនឹងវិធីសារទប់ស្កាត់វីរុសកូរ៉ូណា តាមរយៈការអញ្ញើញស្ត្រីនៅអ៊ីស្លង់ ឲ្យចូលក្នុងសណ្ឋាគាររបស់ក្រុម អំឡុងពេលក្រុមជម្រើសអង់គ្លេសធ្វើដំណើរទៅប្រកួតនៅអ៊ីស្លង់ កាលពីខែកញ្ញា។ ចាប់តាំងពីពេលនោះមក កីឡាករវ័យ២០ឆ្នាំរូបនេះ ទើបតែបានបង្ហាញខ្លួនក្នុងជម្រើសដំបូងសម្រាប់ក្រុមជម្រើជាតិអង់គ្លេស ជាលើកទី១ប៉ុណ្ណោះ និងបានដណ្តើមយកឱកាសរបស់គេ ដើម្បីផ្តល់ការជឿជាក់ដល់លោក Southgate។ ស្របពេលដែលអង់គ្លេសកំពុងតែនាំមុខ ២-០ ក្នុងយុទ្ធនាការ Nations League តារាឆ្នើមរបស់ក្លិប Manchester City រូបនេះ បានរកគ្រាប់បាល់បញ្ចូលទីយ៉ាងល្អនៅនាទី ទី៨០ ហើយបន្ទប់មក បានស៊ុតបាល់បញ្ចូលទីម្តងទៀត តាមរយៈការស៊ុតបាល់ពីចម្ងាយ ក្នុងរយៈពេល៥នាទីក្រោយមក។
Foden បានឲ្យដឹងថា៖ «នោះគឺជាដំណាក់កាលមួយក្នុងចំណោមដំណាក់កាលដ៏លំបាកបំផុតក្នុងជីវិតរបស់ខ្ញុំ។ នោះគឺជាពេលដែលអ្នកត្រូវការការជឿជាក់ពីអ្នកចាត់ការទូទៅរបស់អ្នក ហើយលោក Gareth បានគោរពខ្ញុំ និងជឿជាក់លើខ្ញុំនៅយប់នេះ»៕
ប្រភពព័ត៌មាន៖ Channel News Asia
