បរទេស៖ កីឡាករ David Luiz បានបង្កជំលោះគួរអោយភ្ញាក់ផ្អើលឈានដល់ការប្រើអំពើហិង្សាវាយតប់មិត្តរួមក្រុមនៅក្នុងក្លឹបកាំភ្លើងធំ Arsenal គឺកីឡាករ Dani Ceballos តែត្រូវបានបុគ្គលិកក្លឹបចូលទៅធ្វើអន្តរាគមន៏បញ្ឈប់ ជម្លោះនោះវិញ។
គួរបញ្ជាក់ថាព្រឹត្តការណ៏នេះបានកើតមានឡើង ក្នុងអំឡុងពេលហ្វឹកហាត់កំលុងពេល ខ្សែការពារអន្តរជាតិ ប្រេស៊ីលរូបនេះ និងខ្សែបម្រើអេស្ប៉ាញ Ceballos ស្ថិតក្នុងចំណោមកីឡាករដែលមិនមានកាតព្វកិច្ចប្រកួតលក្ខណៈអន្តរជាតិ ដូច្នេះទើបពួកគេបន្តការហ្វឹកហាត់ក្រោមការដឹកនាំរបស់ Mikel Arteta ។
Caballos និង Luis ត្រូវបានបញ្ជូនទៅកន្លែងស្នាក់នៅរៀងៗខ្លួនភ្លាមៗខណៈគ្រូបង្វឹក Arteta បានធ្វើការសម្របសម្រួលករណីនេះឡើងវិញកាលពីថ្ងៃអង្គារនៅក្នុងបន្ទប់ផ្លាស់សំលៀកបំពាក់ដើម្បីសុំទោសដល់ក្រុមទាំងមូល។ Ceballos កំពុងចំណាយរដូវកាលទី ២ របស់គាត់ក្នុងការខ្ចីជើងពីក្លិបកាំភ្លើងធំ Arsenal ពី Real Madrid ខណៈ Luiz បានចូលរួមជាមួយក្រុមកាំភ្លើងធំនៅឆ្នាំ ២០១៩ ពីគូប្រជែងទីក្រុងឡុងដ៍៕
ប្រភពព័ត៍មាន៖ Metro