បរទេស៖ បរាជ័យរបស់ក្រុមហង្សក្រហម Liverpool ក្នុងទឹកដីខ្លួនឯង ទល់នឹងក្រុមភ្ញៀវ Atalanta ក្នុងក្របខ័ណ្ឌ Champions League កាលពីរាត្រី ថ្ងៃពុធនេះគឺជាលើកទី ១ ដែលគ្រូបង្វឹកលោក Jurgen Klopp មានកំនត់ត្រាចាញ់ធ្ងន់ធ្ងរបំផុតជាលើកដំបូងនៅកីឡាដ្ឋាន Anfield។
អ្នកចាត់ការទូទៅសញ្ជាតិអាឡឺម៉ង់បានដឹកនាំក្រុមប្រកួតសរុប១៣៧ លើក តែមិនធ្លាប់ដឹកនាំម្ចាស់ជើងឯកទ្វីបអឺរ៉ុប៦សម័យបរាជ័យក្នុងទឹកដីដោយអោយគូបដិបក្សស៊ុតបញ្ចូលទីច្រើនជាង១គ្រាប់នោះទេ។
មានន័យថាពេលវេលាចុងក្រោយបំផុតហង្សក្រហមបានរងបរាជ័យយ៉ាងធ្ងន់ធ្ងរបែបនេះនៅក្នុងទឹកដីខ្លួនឯង គឺលើកចុងក្រោយនាខែសីហាឆ្នាំ ២០១៥ នៅពេលដែលអតីតគ្រូបង្វឹកលោក Brendan Rodgers បច្ចុប្បន្នកំពុងដឹកនាំ Leicester City ដឹកនាំក្រុមបរាជ័យក្នុងលទ្ធផល៣ទល់និង០ក្រោមថ្វីជើងក្រុមភ្ញៀញញួរធំ West Ham នៅក្របខណ្ឌ Premier League ។ទោះបីជាបរាជ័យក៏ Liverpool នៅតែឈរលើកំពូលតារាងពូល D ដោយមាន២ ពិន្ទុនាំមុខក្រុម Ajax និង Atalanta៕
ប្រភពព័ត៍មាន៖ Goal