បរទេស៖ ខ្សែបម្រើ Curtis Jones បានជួយឲ្យក្រុមប្រជុំដោយកីឡាករវ័យក្មេង Liverpool ឈានទៅវគ្គ១៦ក្រុមចុងក្រោយនៃក្របខ័ណ្ឌ Champions League កាលពីថ្ងៃអង្គារ ស្របពេលដែលលោក Zinedine Zidane បានច្រានចោលពាក្យចរចាមអារ៉ាមនានាថា លោកអាចនឹងដើរចេញពីក្លិប Real Madrid ក្រោយពីការរងបរាជ័យមួយលើកទៀតក្រោមស្នាដៃក្រុម Shakhtar Donetsk បានធ្វើឲ្យក្តីសង្ឃឹមក្នុងការប្រជែងពាននៅអឺរ៉ុបរបស់ពួកគេស្ថិតក្នុងភាពមិនច្បាស់។
ក្រុម Liverpool បានលេងដោយគ្មានតារាឆ្នើមៗជាច្រើននៅពេលធ្វើជាម្ចាស់ផ្ទះទទួលក្រុម Ajax នាកីឡដ្ឋាន Anfield ក្នុងពូល D ខណៈដែលកីឡាករ Caoimhin Kelleher វ័យ២២ឆ្នាំ បានចូលលេងជាអ្នកចាំទីជំនួស Alisson។ លទ្ធផលនេះ ពិតជាសំខាន់សម្រាប់ក្រុម Liverpool ដែលជាម្ចាស់ជើងឯកក្របខ័ណ្ឌ Premier League ក្រោយពីការរបរាជ័យរបស់ពួកគេលើទឹកដីខ្លួនឯងក្រោមស្នាដៃក្រុម Atalanta កាលពី១សប្តាហ៍មុន ហើយលទ្ធផលនេះក៏បានអនុញ្ញាតឲ្យពួកគេឈ្នះកៅអីទៅវគ្គបន្តផងដែរ។ លោក Jurgen Klopp គ្រូបង្វឹករបស់ Liverpool បានប្រាប់ទូរទស្សន៍ BT Sport ថា៖ «និយាយឲ្យត្រង់ទៅ ចាប់តាំងពីខ្ញុំបានស្ថិតនៅ Liverpool ខ្ញុំមានអារម្មណ៍ថា ហាក់ដូចជាការប្រកួតមួយក្នុងចំណោមការប្រកួត Champions League ដ៏ធំបំផុត។
ជាមួយនឹងការគ្មានអ្នកគាំទ្រ នេះគឺជាការប្រកួតដ៏សំខាន់បំផុត លំបាកបំផុត និងអស្ចារ្យបំផុត»។ ជាមួយគ្នានេះ ក្រុម Real Madrid ត្រឹមតែអាចជួបជោគវាសនាដូចគ្នាកាលពីជើងមុន ក្រោយពីពួកគេចាញ់ក្រុម Shakhtar នៅទីក្រុងគៀវ ខណៈដែលលទ្ធផលនេះ បានដាក់សម្ពាធលើលោក Zidane កាន់តែខ្លាំង៕
ប្រភពព័ត៌មាន៖ Channel News Asia