បរទេស៖ Wayne Rooney នៅតែរងចាំការសម្រេចចិត្តលើអនាគតរបស់ខ្លួនជុំវិញការតែងតាំងជាអ្នកចាត់ការពេញសិទ្ធិរបស់ក្រុម Derby Country បន្ទាប់ពីពួកគេជួបលទ្ធផលខកចិត្តបានត្រឹមតែស្មើគ្នាក្នុងផ្ទះខ្លួន ឯងដោយលទ្ធផល ១ទល់និង១ ជាមួយក្រុម Coventry កាលពីយប់ថ្ងៃអង្គារ។
Rooneyវីរបុរសនិងជាអតីតកីឡាករដែលមានកំនត់ត្រារកគ្រាប់បាល់បានច្រើនបំផុតអោយក្រុមបិសាចក្រហម Man Utd រូបនេះ ត្រូវបានតែងតាំងជាអ្នកចាត់ការទូទៅបណ្តោះអាសន្ន ក្រោយពីក្លឹបនៅក្របខណ្ឌលីកលំដាប់ទី២អង់គ្លេស Championshipចែកផ្លូវគ្នាជាមួយជាមួយអតីតគ្រូបង្វឹកលោក Philip Cocu។
ដូច្នេះអតីតខ្សែប្រយុទ្ធក្រុមជម្រើសជាតិអង់គ្លេសរូបនេះ ត្រូវរង់ចាំរហូតដល់មានការសម្រេចចិត្តសាជាថ្មីពីម្ចាស់ក្លឹប។ Rooney បានបង្ហាញពីអារម្មណ៏ពិត ក្រោយបញ្ចប់ការប្រកួតថា: ខ្ញុំមិនដឹងទេថាខ្ញុំនឹងទទួលខុសត្រូវជាអចិន្រ្តៃយ៏រឺយ៉ាងណា?ដូចដែលខ្ញុំបាននិយាយថាខ្ញុំមានទំនុកចិត្តលើការងារនិងតួនាទីនេះហើយជាការពិតណាស់ ខ្ញុំចង់ធ្វើការងារនេះ៕