បរទេស៖ វីរបុរសក្រុមបិសាចក្រហម Man Utd លោក Wayne Rooney បានអះអាងថា អតីតមិត្តរួមក្រុម Cristiano Ronaldo នឹងមានការរារែកក្នុងការផ្លាស់មកចូលរួមជាមួយក្លឹប Manchester City ក្នុងរដូកាលដោះដូរកីឡាករដែលខិតជិតដល់ទីបញ្ចប់នាពេលនេះទេ។
កីឡាករដែលជិតស្និទនិងប្រធានក្រុមជម្រើសជាតិព័រទុយហ្គាល់វ័យ៣៦ឆ្នាំរុបនេះ និងជាអ្នក ដែលរកគ្រាប់បាល់បានច្រើនបំផុតសម្រាប់ក្រុមជើងឯកអង់គ្លេស២០សម័យ បានប្រាប់គេហទំព័រ TalkSPORT ថា៖ «ខ្ញុំគិតថា Cristiano បានសាងកេរ្ត៏ឈ្មោះ និងកេរដំណែលល្អបំផុតនៅទឹកដីOld Trafford ហើយ ខ្ញុំដឹងថាគាត់មានមោទនភាពយ៉ាងណាក្នុងនាមជាកីឡាករនិងជាបុគ្គលសំខាន់ម្នាក់សម្រាប់ក្លឹប។ ប៉ុន្តែវាជាបាល់ទាត់ដូច្នេះអ្នកមិនធ្លាប់ដឹងទេមានកីឡាករមួយចំនួនដែលបានកសាងគុណសម្បត្តិសម្រាប់ក្លឹប ប៉ុន្តែមិនទាន់មាន កម្រិតស្មើនិងគាត់នៅឡើយជាក់ស្តែងដូចជាអ្នកចាំទី Peter Schmeichel និង Andy Cole ដ៏ដោយ។ ជាការពិតផ្នែកហិរញ្ញវត្ថុជារឿងសំខាន់តែខ្ញុំមិនជឿថារឿងនេះជាមូលហេតុដែលគាត់ត្រូវចាកចេញទេ។សម្រាប់ខ្ញុំគិតថា PSG កំពុងតែធ្វើការលើរឿងនេះជំនួសវិញ»។
Rooney ធ្លាប់ឈ្នះពានក្របខ័ណ្ឌ Premier League ចំនួនបីដងជាមួយ Ronaldo មុនពេលដែល ម្ចាស់ពានបាល់មាស៥សម័យរូបនេះចាកចេញទៅកាន់ក្រុមអធិរាជសReal Madrid នៅឆ្នាំ ២០០៩។ ទោះយ៉ាងណាប្រភពចុងក្រោយបានបញ្ជាក់ថា Ronaldo មិនសប្បាយចិត្តជាមួយក្លឹប Juventus ក្រោយចូលរួមជាមួយពួកគេបាន៣រដូវកាល ខណៈដែល Man City គឺជាក្លឹបមួយក្នុងចំណោមក្លឹបធំពីរទៅបីប៉ុណ្ណោះដែលអាចមានលទ្ធភាពផ្តល់ប្រាក់ឈ្នួលដ៏ថ្លៃបំផុត សម្រាប់កីឡាករឆ្នើមរបស់ពិភពលោក៥សម័យរូបនេះ៕
ប្រភពព័ត៍មាន៖ Goal
