បរទេស៖ អតីតប្រធានក្រុម Manchester United និងក្រុមជម្រើសជាតិអង់គ្លេសលោក Wayne Rooney ចង់អោយដក VAR ចេញពី Premier League ព្រោះគ្រូបង្វឹកក្លឹប Derby Country រូបនេះគិតថាវាដើរតួមិនចំគោលដៅទេ។
Wayne Rooney ទើបតែបានឡើងកាន់តំណែងធ្វើជាគ្រូបង្វឹក Derby Country កាលថ្មីៗនេះ ហើយរូបលោកគិតថាការកាត់សេចក្តីនៅលីគទី២អង់គ្លេស Championship ដោយធ្វើការកាត់ក្តីដោយអាជ្ញាកណ្តាលផ្ទាល់វាល្អជាង។ ប្រព័ន្ធបច្ចេកទេស VAR តែងតែទទួលរងការរឹះគន់រាងរាល់សប្តាហ៍ក្នុងក្របខណ្ឌ English Premier League ទោះបីជាអាជ្ញាបានមើលវីដេអូឡើងវិញហើយទើបធ្វើការកាត់សេចក្តីក៏ដោយ។
Rooney បានប្រាប់អ្នកសារព័ត៍មានថា «ពួកយើងនៅមិនទាន់មានវា (VAR) ក្នុង Championship ទេ ហើយមិនមានល្អជាង។ ទោះបីជាវាអាចធ្វើការបានទាំង២ផ្លូវក៏ដោយ ប៉ុន្តែអ្នកនឹងមានខកចិត្តនៅពេលចប់ការប្រកួត ពួកយើងគួរតែពឹងផ្នែកលើអាជ្ញាកណ្តាល ហើយអោយគាត់ធ្វើការទៅតាមអ្វីដែលគាត់អាចធ្វើបានទៅល្អជាង។ សង្កេតឃើញការប្រកួតជាច្រើននៅ Premier League គឺពិតជាមានការខកចិត្តខ្លាំងណាស់ ហើយអ្នកច្បាស់ជាមិនយល់អំពីការកាត់សេចក្តីរបស់ពួកគេឡើយ»៕
ប្រភពព័ត៍មាន៖ One Football