បរទេស៖ វីរបុរសក្រុមបិសាចក្រហមMan.Utd លោក Wayne Rooney មិនមានគំរោងបន្តដឹកនាំក្លឹប Derby County បន្តទៀតនោះទេប្រសិនបើពួកគេត្រូវបានកាត់ ចោលទៅលេងនៅលីកលំដាប់ទី៣ (League One) យោងសហព័ន្ធបាល់ទាត់អង់គ្លេស EFL បានប្រកាសពីការកាត់បន្ថយពិន្ទុពួកគេខណៈក្រុមបញ្ចប់រដូវកាល ដោយឈរនៅលេខរៀងទី២១ ក្នុងចំណោមក្រុមទាំង២៤ ។
ការរងទទួលនូវពិន័យលើក្រុម Derby បានកើតមានឡើង ត្រូវបានរកឃើញថាមានកំហុសចំពោះលើផ្នែកគណនេយ្យភាពដែលត្រូវបានហាមឃាត់ ដោយតុលាការឯករាជ្យកាលពីថ្ងៃពុធជាមួយនឹងលទ្ធផលដែលពួកគេក៏ត្រូវប្រឈមពិន័យជាប្រាក់ប្រមាណ១០០,០០០ ផោនផងដែរ។
ទោះយ៉ាងណា EFL កំពុងពិចារណាលើការ សម្រេចចិត្តទាំងពីរនេះខណៈDerby ស្ទើរតែត្រូវបានកាត់ចេញទៅលេងនៅលីកលំដាប់ទី៣ ក្រោយពីពួកគេមានគម្លាតតែ១ពិន្ទុប៉ុណ្ណោះពីក្រុម Wycombe កាលពីរដូវកាល២០២០-២០២១។ ដូច្នេះWycombe អាចនិងត្រូវវិលត្រលប់មកជំនួសពួកគេវិញប្រសិនជាDerby ត្រូវកាត់ទៅលេងនៅ League One៕
ប្រភពព័ត៍មាន៖ Metro