បរទេស៖ លោក Ole Gunnar Solskjaer គ្រូបង្វឹកក្រុមបិសាចក្រហម Man United បានបង្ហើបប្រាប់ថាខ្សែប្រយុទ្ធ Marcus Rashford បានជួបប្រទះបញ្ហារបួសស្មាអំឡុងពេលប្រកួតក្របខណ្ឌ Champions League ជើងទី ២កាលពីថ្ងៃពុធជើងទី២ជាមួយម្ចាស់ជើងឯកបារាំង Paris Saint-Germain។
កីឡាកក្រុមរជម្រើសជាតិអង់គ្លេសរូបនេះបានព្យាយាស្នើឱ្យអោយមានការផ្លាស់បូររូបគេមុនបញ្ចប់ការប្រកួត តង់ទី២បន្ទាប់ពីបង្ហាញអការៈឈឺចាប់នៅត្រង់ស្មា។ Rashford ក៏ត្រូវបានដកខ្លួនចេញពីក្រុមជម្រើសជាតិអង់គ្លេសកាលពីខែមុនដោយសារបញ្ហារបួសត្រង់ចំនុចនេះផងដែរ។
គ្រូបង្វឹកសញ្ជាតិន័រវេលោក Solskjaer បានប្រាប់ទូរទស្សន៍ BT Sport ថា៖ “វាជារបួសគួរឱ្យធុញទ្រាន់។ ចាំមើលថាបញ្ហាមុខរបួសនេះអាចធូរស្បើយបានកម្រិតណា និង សង្ឃឹមថារូបគេនឹងត្រៀមខ្លួនសម្រាប់ការប្រកួតចុងសប្តាហ៏នេះ” ។ កីឡាករវ័យ ២៣ ឆ្នាំ រូបនេះរកបានគ្រាប់បាល់ស៊ុតបញ្ចូលទី២គ្រាប់ប៉ុណ្ណោះនៅក្របខណ្ឌ Premier League ក្នុងរដូវកាលនេះប៉ុន្តែបានបង្កើតឪកាសអោយមិត្តរួមក្រុមស៊ុតបញ្ចូលទីដល់ទៅ៥ដងក្នុងការបង្ហាញខ្លួន៩លើក៕
ប្រភពព័ត៍មាន៖ Manchester United