បរទេស៖ កីឡាករ Marcus Rashford បានក្លាយជាការមន្ទិលសង្ស័យថានិងអវត្តមានសម្រាប់ក្រុម Man Utd ក្នុង ការប្រកួតជាមួយហង្សក្រហម Liverpool នៅថ្ងៃអាទិត្យនេះ យោងប្រភព Manchester Evening News បានចុះផ្សាយ។
ខ្សែប្រយុទ្ធអន្តរជាតិ អង់គ្លេសវ័យក្មេងរូបនេះទើបតែវិលត្រឡប់មកជួយក្រុម ក្រោយព្យាបាលរបួសដោយការវះកាត់ស្មានៅរដូវក្តៅកន្លងទៅ ដោយបង្ហាញខ្លួនលើកដំបូងសម្រាប់ក្របខណ្ឌ Premier League ពេលជួប Leicester City កាលពីចុងសប្តាហ៍មុន។ Rashford មានឪកាសរកបានគ្រាប់បាល់វាយបកតាមស្មើ២ទល់និង២ ដោយប្តូរចូលក្នុងនាមកីឡាករបម្រុង ប៉ុន្តែMan.Utdនៅតែបរាជ័យសម្រាប់សប្តាហ៏ទី៨ មុនពេលរូបគេបង្ហាញខ្លួនចូល ប្រកួតជាមួយក្រុម Atalanta ក្នុងការប្រកួតក្របខ័ណ្ឌ Champions League កាលពីថ្ងៃពុធ និងបន្តរកបានគ្រាប់បាល់បានដូចគ្នាតែត្រូវប្តូរចេញដោយបញ្ហារបួសជើង។
ឆ្លើយតបបញ្ហានេះលោក Ole Gunnar Solskjaer បានឆ្លើយថាៈ «ខ្ញុំមិនដឹងទេខ្ញុំសង្ឃឹមថាអ្វីៗនិងល្អប្រសើរតែ តែអ្វីដែលអ្នកចង់បានគឺវាមិនដូច្នេះនិងអាចចំណាយពេលយូរជាងនេះ»។ ក្នុងនាមម្ចាស់ផ្ទះ Man United ឈរនៅលេខរៀង ៦ ក្នុងតារាង Premier League ដោយមាន ៤ ពិន្ទុតាមពីក្រោយ Liverpool ដែលឈរនៅលេខរៀងងទី ២៕
ប្រភពព័ត៍មាន៖ Sportsmole