បរទេស៖ ក្រុមតោខៀវ Chelsea ត្រៀមបញ្ចេញកីឡាករពីររូបគឺខ្សែការពារ Emerson Palmieri និង Marcos Alonso នៅពេលទីផ្សារដោះដូរកីឡាករនិងបើក នៅខែមករា២០២១ខាងមុខនេះ។ ទាំង Emerson និង Alonso មានទំនាក់ទំនងក្នុងការចាកចេញពីកីឡាដ្ឋាន Stamford Bridge ខណៈដែលសំណើរក្នុងការផ្ទេរនៅមិនទាន់មានជាផ្លូវការណ៏សម្រាប់ពួកគេទាំងពីរ។
ក្រោយការមកដល់របស់ខ្សែការពារឆ្វេងសញ្ជាតិអង់គ្លេស Ben Chilwell ពីក្លឹប Leicester City កីឡាករអន្តរជាតិប្រេស៊ីល Emerson មានឪកាសចូលលេងសម្រាប់ក្រុមបានតែមួយលើកប៉ុណ្ណោះរីឯកីឡាករអន្តរជាតិអេស្បាញ Alonso ចូលលេងទើបតែបាន៣ ប្រកួតប៉ុណ្ណោះក្រោយការបង្ហាញខ្លួនចុងក្រោយបំផុតគឺក្នុងនាមកីឡាករបម្រុងពេលស្មើជាមួយ West Bromwich Albion កាលពីចុងខែកញ្ញា។
យោងគេហទំព័រ Goal បានចុះផ្សាយថា Chelsea អាចនិងបញ្ចេញ Emerson រឺ Alonso នៅដើមឆ្នាំ ២០២១ ខណៈក្រុមយក្សអ៊ីតាលីទាំងពីរគឺ Juventus និង Inter Milan កំពុងផ្តោតអារម្មណ៏និងឃ្លាំមើលការវិវត្តជុំវិញកីឡាករទាំងពីរនេះ៕
ប្រភពព័ត៍មាន៖ Sportsmole
