បរទេស៖ លោក Jurgen Klopp អ្នកចាត់ការទូទៅរបស់ក្រុម Liverpool បានបញ្ជាក់ថា លោកបាន «ព្រឺសម្បុរគីង្គក់» ខណៈដែលអ្នកគាំទ្របានវិលទៅទស្សនាដោយផ្ទាល់នាកីឡដ្ឋាន Anfield វិញ កាលពីថ្ងៃអាទិត្យ ក្នុងពេលដែលក្រុមម្ចាស់ជើងឯកក្របខ័ណ្ឌ Premier League មួយនេះ បានកត់ត្រាជ័យជម្នះយ៉ាងកក់ក្តៅក្នុលទ្ធផល ៤-០ លើក្រុម Wolves។
ក្រុមហង្សក្រហមមួយនេះ មិនបានធ្លាប់បានមានឱកាសក្នុងការលេងពីមុខអ្នកគាំទ្ររបស់ខ្លួនឡើយ បើគិតចាប់តាំងពីពួកគេបានបញ្ចប់ការរង់ចាំអស់រយៈពេល៣០ឆ្នាំ ដើម្បីក្លាយជាម្ចាស់ជើងឯករបស់អង់គ្លេស កាលពីខែមិថុនា។ ប៉ុន្តែ ពួកគេបានជួសជុលពេលវេលាដែលបាត់បង់ តាមរយៈការដណ្តើមបានជ័យជម្នះដីរំភើប ខណៈដែលអ្នកគាំទ្រចំនួន២០០០នាក់ ដែលត្រូវបានអនុញ្ញាតឲ្យចូលទស្សនា ដោយសារតែការរិតត្បិតនានាជុំវិញវីរុសកូរ៉ូណា បានស្រែងចម្រៀងប្រចាំក្លិប «You’ll Never Walk Alone»។ គ្រាប់បាល់ស៊ុតបញ្ចូលទីនៅតង់ទី២ពីសំណាក់ខ្សែបម្រើ Georginio Wijnaldum, Joel Matip និងការធ្វើឲ្យបាល់ចូលទីខ្លួនឯងរបស់កីឡាករ Nelson Semedo បានបង្ហាញពីកម្រិតលេងដ៏ខ្លាំងរបស់ Liverpool ខណៈដែលពួកគេចូលរួមជាមួយនឹងក្រុម Tottenham ដោយមាន២៤ពិន្ទុដូចគ្នា។
លោក Klopp បានប្រាប់ទូរទស្សន៍ BBC ទាំងរំភើបចិត្តថា៖ «ការប្រកួត បរិយាកាស ពិតជាល្អណាស់ ដែលធ្វើឲ្យខ្ញុំព្រឺសម្បុរគីង្គក់។ ពួកគេបានចាប់ផ្តើមច្រៀងចម្រៀង «You’ll Never Walk Alone» ដែលពិតជារំភើបណាស់។ ខ្ញុំមិនធ្លាប់បានដឹងថា ខ្ញុំមានអារម្មណ៍ល្អបែបនោះឡើយ»៕
ប្រភពព័ត៌មាន៖ Channel News Asia
