បរទេស៖ កាតា ក្រុមម្ចាស់ផ្ទះ World Cup ឆ្នាំ២០២២ នឹងប្រកួតនៅក្នុងវគ្គជម្រុះនៅតំបន់អឺរ៉ុប ហើយនិងត្រូវដាក់នៅក្នុងពូលមួយក្នុងចំណោមពូលទាំង៥ដែលមាន៥ក្រុម។ នេះបើយោងទៅតាមសហព័ន្ធកីឡាបាល់ទាត់របស់ប្រទេសនេះ កាលពីថ្ងៃអង្គារ។ ការសម្រេចចិត្តបែបនេះ មានគោលបំណងក្នុងការជួយឲ្យក្រុមបាល់ទាត់ជម្រើសជាតិកាតា ត្រៀមខ្លួនឲ្យបានល្អ នៅមុនពេលព្រឹត្តិការណ៍កីឡាបាល់ទាត់ពិភពលោក ដែលនឹងត្រូវរៀបចំឡើងនៅខែវិច្ឆិកា និងខែធ្នូ ឆ្នាំ២០២២។
សហព័ន្ធកីឡាបាល់ទាត់កាតា បានឲ្យដឹងក្នុងសេចក្តីថ្លែងការណ៍មួយថា៖ «កាតា នឹងចូលរួមក្នុងពូល A រួមជាមួយនឹងក្រុមបាល់ទាត់ជម្រើសជាតិព័រទុយហ្គាល់ ស៊ែប៊ី សាធារណៈរដ្ឋអៀរឡ់ លុចសំបួរ និងអាស៊ែបៃហ្សង់»។ ក្រុមជម្រើសជាតិកាតា នឹងត្រូវប្រកួតជាមួយនឹងក្រុមនៅថ្ងៃសម្រាក នៅក្នុងជុំនីមួយនៃការប្រកួត។ សហព័ន្ធកីឡាបាល់ទាត់របស់កាតា បានបញ្ជាក់ថា៖ «ក្នុងនាមជាម្ចាស់ផ្ទះ World Cup កាតា បានឈ្នះសិទ្ធិរួចជាស្រេចសម្រាប់យុទ្ធនាការនេះ ដែលមានន័យថា លទ្ធផលពីការប្រកួតជាមួយនឹងកាតា នឹងមិនយកជាផ្លូវការលើការប្រកួតជម្រុះឡើយ។
កាតា នឹងលេងការប្រកួតលើទឹកដីខ្លួនឯងនៅអឺរ៉ុប ដើម្បីអនុញ្ញាតឲ្យគូប្រកួតរបស់ខ្លួនធ្វើដំណើរក្នុងរយៈចម្ងាយខ្លី»។ ការប្រកួតជម្រុះនៅតំបន់អឺរ៉ុប នឹងចាប់ផ្តើមនៅខែមីនា ខណៈដែល១៣ប្រទេសពីទ្វីបនេះ នឹងត្រូវចូលរួមក្នុងយុទ្ធនាការជុំផ្តាច់ព្រ័ត្រដែលមាន៣២ក្រុម៕
ប្រភពព័ត៌មាន៖ Channel News Asia
