បរទេស៖ ម្នាក់ក្នុងចំណោម និង Zlatan Ibrahimovic នឹងត្រូវបាត់បង់ឱកាសក្នុងការលេងក្នុងព្រឹត្តិការណ៍ World Cup ឆ្នាំ២០២២ នៅពេលដែលក្រុមបាល់ទាត់ជម្រើសជាតិប៉ូឡូញ និងស៊ុយអែត ក្នុងការប្រកួតវគ្គ Playoff នៅរាត្រីនេះ។
ក្រុមដែលទទួលជ័យជម្នះក្នុងទីក្រុង Chorzow នឹងមានឈ្មោះក្នុងការចាប់ឆ្នោតនៅថ្ងៃសុក្រសប្តាហ៍នេះ សម្រាប់វគ្គចែកពូលនៃយុទ្ធនាការ World Cup។ វាអាចនឹងក្លាយជាឱកាសចុងក្រោយក្នុងការលេងក្នុងព្រឹត្តិការណ៍ World Cup សម្រាប់ខ្សែប្រយុទ្ធអន្តរជាតិស៊ុយអែត Ibrahimovic ដែលនឹងឈានចូលវ័យ៤១ឆ្នាំ និងខ្សែប្រយុទ្ធអន្តរជាតិប៉ូឡូញ Lewandowski ដែលនឹងមានវ័យ៣៤ឆ្នាំ នៅពេលដែលជុំផ្តាច់ព្រ័ត្រ ចាប់ផ្តើមប្រកួតនៅប្រទេសកាតា នៅខែវិច្ឆិកា ឆ្នាំនេះ។ Ibrahimovic បានឲ្យដឹងថា៖ «ការប្រកួត World Cup ដែលគ្មាន Zlatan គឺមិនមែនជា World Cup ឡើយ»។ កីឡាករជើងចាស់រូបនេះ បានជួបរដូវកាលដែលញាំញីដោយរបួស និងបានចូលលេងការប្រកួតក្នុងរយៈពេល៩០នាទីពេញសម្រាប់ក្លិប AC Milan របស់គេ ជាលើកចុងក្រោយកាលពីខែមករា។
លោក Janne Andersson គ្រូបង្វឹកក្រុមជម្រើសជាតិស៊ុយអែត បាននិយាយកាលពីថ្ងៃចន្ទថា Ibrahimovic គឺជា «អាវុធសម្រាប់យើង» ក្នុងនាមជាកីឡាករបម្រុង ប៉ុន្តែ «មិនអាចលេងការប្រកួតទាំងមូល» បានឡើយ។ ផ្ទុយទៅវិញ Lewandowski របស់ក្លិប Bayern Munich កំពុងតែស្ថិតក្នុងទម្រង់លេងយ៉ាងមុតស្រួច ក្រោយពីបានស៊ុតបាល់បញ្ចូលទី៥០គ្រាប់ សម្រាប់ក្លិប និងប្រទេសរបស់គេនៅរដូវកាលនេះ៕
ប្រភពព័ត៌មាន៖ Worldsoccertalk