បរទេស៖ ក្រុមបាល់ទាត់ជម្រើសជាតិព័រទុយហ្គាល់ មានសមត្ថភាពគ្រប់គ្រាន់ក្នុងការយកឈ្នះក្នុងការប្រកួតជម្រុះ World Cup វគ្គ Playoff ពាក់កណ្តាលផ្តាច់ព្រ័ត្រ ជាមួយនឹងក្រុមជម្រើសជាតិតួកគី។
នេះបើយោងទៅតាមការបញ្ជាក់របស់គ្រូបង្វឹករបស់ពួកគេលោក Fernando Santos កាលពីថ្ងៃពុធ។ ក្រុមជម្រើសជាតិព័រទុយហ្គាល់ នឹងត្រូវប្រកួតជាមួយនឹងក្រុមជម្រើសជាតិតួកគី ក្នុងទីក្រុង Porto នៅរាត្រីនេះ ខណៈដែលក្រុមដែលឈ្នះ នឹងត្រូវប៉ះជាមួយនឹងក្រុមជម្រើសជាតិអុីតាលី ឬក្រុមជ្រើសជាតិម៉ាសេដ្វានខាងជើង ក្នុងជុំជម្រុះចុងក្រោយ នៅថ្ងៃទី២៩ ខែឧសភា ដើម្បីប្រជែងយកកៅអីមួយក្នុងចំណោមកៅអីទាំង៣ចុងក្រោយពីតំបន់អឺរ៉ុប។ ព្រឹត្តិការណ៍ World Cup ក្នុងប្រទេសកាតា ត្រូវបានគ្រោងរៀបចំឡើងនៅខែវិច្ឆិកា ឆ្នាំនេះ។
លោក Santos បានប្រាប់សន្និសីទសារព័ត៌មានថា៖ «អ្វីដែលតែងតែបានកើតឡើងសម្រាប់ក្រុមបាល់ទាត់ជម្រើសជាតិព័រទុយហ្គាល់ គឺសម្ពាធបែបវិជ្ជមាន។ ក្នុងការប្រកួតជម្រុះ ពិសេសការប្រកួតកាត់សេចក្តី យើងតែងតែបានផ្តល់ការឆ្លើយតបជាវិជ្ជមាន លើកលែងតែការប្រកួតចុងក្រោយជាមួយនឹងក្រុមជម្រើសជាតិស៊ែប៊ី។ កីឡាករទាំងនេះ មានបិទពិសោធច្រើន និងមិនធ្វើឲ្យខ្លួនឯងរងនូវឥទ្ធិពល»៕
ប្រភពព័ត៌មាន៖ Channel News Asia
