បរទេស៖ ក្រុម Tottenham Hotspur បានឈ្នះកៅអីលេខ១ក្នុងការប្រកួតក្របខ័ណ្ឌ Europa League ពូល J ក្រោយពីបានយកឈ្នះក្នុងលទ្ធផល ២-០ លើក្រុម Royal Antwerp ក្រោយពីមានគ្រាប់បាល់ស៊ុតបញ្ចូលទីក្នុងតង់ទី២ពីកីឡាករ Carlos Vinicius និង Giovanni Lo Celso កាលពីថ្ងៃព្រហស្បតិ៍។
ខ្សែប្រយុទ្ធអន្តរជាតិប្រេស៊ីល Vinicius បានស៊ុតបាល់បំប៉ោងសំណាញ់ទីនៅជិតប្រអប់ទីយ៉ាងល្អ ក្រោយពីការស៊ុតបាល់ពិន័យ Free-kick របស់ខ្សែប្រយុទ្ធ Gareth Bale ត្រូវបានទះឲ្យប៉ះទៅនឹងរបារទី ដោយអ្នកចាំទី Alireza Beiranvand នៅមុនពេលកីឡាករអាហ្សង់ទីន Argentine Lo Celso បានបំពេញជ័យជម្នះសម្រាប់ក្រុមខ្លួននៅរយៈពេល២០នាទីចុងក្រោយ។ លទ្ធផលនេះមានន័យថា Spurs នឹងត្រូវឈានទៅវគ្គ៣២ក្រុមចុងក្រោយ ដោយគេចផុតពីការជួបក្រុមខ្លាំងនៅក្នុងការចាប់ឆ្នោតនៅថ្ងៃចន្ទ។ ខ្សែការពារ Japhet Tanganga បានឲ្យដឹងថាល «យើងបានដឹងថា ការប្រកួតនេះគឺជាការប្រកួតដែលត្រូវតែដណ្តើមឲ្យបានជ័យជម្នះដើម្បីអាចឲ្យយើងដណ្តើមបានលេខ១។ យើងនឹងឈានទៅប្រកួតនៅវគ្គបន្ទាប់ដោយប៉ះជាមួយនឹងក្រុមខ្សោយជាង ពីព្រោះយើងស្ថិតក្នុងក្រុមកម្រិតខ្ពស់»។
ស្របពេលជាមួយគ្នានេះ Arsenal បានរក្សាកំណត់ត្រាយ៉ាងល្អក្នុងក្របខ័ណ្ឌ Europa League នៅរដូវកាលនេះ ខណៈដែលគ្រាប់បាល់ស៊ុតបញ្ចូលទីពីសំណាក់ Eddie Nketiah, Mohamed Elneny, Joe Willock និង Folarin Balogun បានជួយឲ្យពួកគេដណ្តើមបានជ័យជម្នះក្នុងលទ្ធផល ៤-២ នៅលើទឹកដីក្រុម Dundalk ក្នុងការប្រកួតចុងក្រោយនៃពូល B របស់ពួកគេ៕
ប្រភពព័ត៌មាន៖ Channel News Asia
