បរទេស៖ James Tavernier ដែលជាប្រធានក្រុមនៃក្រុម Rangers បានចាត់ទុកការជួយឲ្យក្រុមមានមូលដ្ឋាននៅ Glasgow មួយនេះ ឈានទៅកាន់ការប្រកួតក្នុងក្របខ័ណ្ឌ Europa League វគ្គផ្តាច់ព្រ័ត្រ ជា «សុបិនក្លាយជាការពិត» ក្រោយពីការកត់ត្រាជ័យជម្នះក្នុងលទ្ធផល ៣-១ លើក្រុម RB Leipzig កាលពីថ្ងៃព្រហស្បតិ៍ បានជួយឲ្យក្រុមម្ចាស់ជើងឯកស្កុឡេន ឈ្នះទាំង២ជើងក្នុងលទ្ធផល ៣-២។
Tavernier បាននាំមុខក្នុងនាមជាអ្នករកបានគ្រាប់បាល់ច្រើនជាងគេក្នុងយុទ្ធនាការនេះ នៅពេលដែលរូបគេបានស៊ុតបាល់បញ្ចូលទី នៅមុនពេល Glen Kamara បានជួយឲ្យក្រុមម្ចាស់ផ្ទះបន្ថែមការនាំមុខរបស់ខ្លួន ក្នុងរយៈពេលត្រឹមតែ២៤នាទី។ កីឡាករ Christopher Nkunku បានវាយបក១គ្រាប់វិញសម្រាប់ក្រុម Leipzig នៅតង់ទី២ ប៉ុន្តែ John Lundstram បានរកគ្រាប់បាល់ រយៈពេល៩នាទីចុងក្រោយ។
Tavernier បាននិយាយថា៖ «ខ្ញុំពិតជាមានមោទនភាពចំពោះការខិតខំប្រឹងប្រែងដែលកីឡាករ បុគ្គលិក និងអ្នកគាំទ្របានបង្ហាញនៅថ្ងៃនេះ»។ Rangers នឹងត្រូវវិលទៅកាន់ក្របខ័ណ្ឌ Champions League ជាលើកដំបូង បើគិតចាប់តាំងពីឆ្នាំ២០១០ តាមរយៈការយកឈ្នះលើក្រុម Frankfurt នាកីឡដ្ឋាន Ramon Sanchez Pizjuan ក្នុងរយៈពលេ១៣ថ្ងៃទៀត ក្រោយពីក្រុមអាល្លឺម៉ង់ បានយកឈ្នះលើក្រុម West Ham ១-០ ដើម្បីឈ្នះទាំង២ជើង ៣-១៕
ប្រភពព័ត៌មាន៖ Channel News Asia
