បរទេស៖ ក្រុម Barcelona បានឈានទៅវគ្គ១៦ក្រុមចុងក្រោយនៃក្របខ័ណ្ឌ Europa League កាលពីថ្ងៃព្រហស្បតិ៍ ក្រោយពីបានយកឈ្នះលើក្រុម Napoli ក្នុងលទ្ធផល ៤-២ ដើម្បីទៅវគ្គបន្តជាមួយនឹងជ័យជម្នះទាំង២ជើង ៥-៣ ក្នុងការប្រកួតដ៏រំភើប។
ក្រុមយក្សដែលមានមូលដ្ឋាននៅ Catalonia មួយនេះ បានបង្ហាញពីកម្រិតលេងដ៏រឹងមាំភ្លាមៗតាងពីចាប់ផ្តើមប្រកួតនៅទីក្រុង Naples ខណៈដែលខ្សែការពារ Jordi Alba បានបំពេញការវាយសម្រុករហ័សយ៉ាងល្អដើម្បីរកគ្រាប់បាល់បើក ហើយការស៊ុតបាល់ពីចម្ងាយចូលទីយ៉ាងល្អរបស់ Frenkie de Jong ទំនងដូចជាបានកាត់សេចក្តីការប្រកួតនេះទៅហើយ។ ក្រុមរបស់លោក Xavi គួរតែរកបានគ្រាប់បាល់បន្ថែមទៀត នៅមុនពេលកីឡាករ Lorenzo Insigne បានជួយឲ្យក្រុមម្ចាស់ផ្ទះវាយបកវិញតាមរយៈគ្រាប់បាល់ប៉េណាល់ទីនៅពាក់កណ្តាលតង់ទី១ ហើយ Gerard Pique បានធ្វើឲ្យប្រាកដថា ក្រុម Napoli មិនមានឱកាសក្នុងការវាយបកវិញឡើយ។
រាត្រីដ៏សោកសៅរបស់ក្រុម Napoli ត្រូវបានបំពេញ នៅពេលដែល Pierre-Emerick Aubameyang បានរកគ្រាប់បាល់ទី៤របស់ក្រុមខ្លួននៅតង់ទី២។ លោក Xavi បានប្រាប់អ្នកយកព័ត៌មានថា៖ «យើងបានគ្រប់គ្រង សម្រាប់រយៈពេល៩០នាទី ហើយនោះគឺជាលើកទី១ហើយដែលយើងបានធ្វើបែបនោះ បើគិតចាប់តាំងពីខ្ញុំបានក្លាយជាគ្រូបង្វឹក»៕
ប្រភពព័ត៌មាន៖ Channel News Asia
