បរទេស៖ Dean Henderson បានសម្រេចជួបពិភាក្សាជាមួយគ្រូបង្វឹកលោក Ole Gunnar Solskjaer ដើម្បីបញ្ជាក់អោយច្បាស់ពីតួនាទីរបស់ខ្លួននៅក្នុងក្រុម។ គួរបញ្ជាក់ថាកីឡាករអន្តរជាតិ អង់គ្លេសរូបនេះបានសម្រេចវិលត្រឡប់មកកាន់ទឹកដី Old Trafford វិញនៅរដូវក្តៅនេះពីក្លឹបSheefield Unitedដើម្បីមានឪកាសជាប់ជាអ្នកចាំទៃដៃទី១ ជំនួស David de Gea។ ទោះយ៉ាងណា អតីតកីឡាករយុវជនថ្នាលក្លឹប Carlisle United បានចុះកុងត្រាថ្មី ៥ ឆ្នាំជាមួយ United កាលពីខែសីហា។
បានចូលលេង១១នាក់ដំបូងត្រឹមតែ ៥ លើក នៅរដូវកាលនេះរាប់បញ្ចូល ២ ប្រកួតចុងក្រោយនៅក្របខណ្ឌ Premier League ជាមួយSouthampton និង West Ham United តែអង្គុយកៅអីបម្រុងក្នុងជំនួបចុងក្រោយនៅក្របខ័ណ្ឌ Champions League កាលពីថ្ងៃអង្គារ។
គេហទំព័រ Manchester Evening News បានចុះផ្សាយថាៈអ្នកចាំទីដៃស្អិតដែលមានអនាគតវែងឆ្ងាយ រូបនេះ អន់ចិត្តដែលមិនបានជួយក្រុមពេលជួបBasaksehir និង West Bromwich Albion តែHenderson រំពឹងថាខ្លួននិងមានឪកាសបង្ហាញខ្លួនក្នុងជំនួបជាមួយក្លឹបរួមទីក្រុងMan.City នៅថ្ងៃ សៅរ៍ចុងសប្តាហ៏នេះ៕
ប្រភពព័ត៍មាន៖ Sportsmole