បរទេស៖ លោក Zinedine Zidane បានបញ្ចេញយោបល់យល់ឃើញថាក្លឹប Atletico Madrid ជាគូប្រជែងគួរអោយចាប់អារម្មណ៏ ក្នុងការដណ្តើមពានក្របខណ្ឌ La Liga នៅរដូវកាលនេះខណៈពួកគេត្រៀមជួបប្រកួតគ្នានៅទឹកដី Santiago Bernabeu នៅយប់ថ្ងៃសៅរ៍ឈានចូលថ្ងៃអាទិត្យនេះ។
/cdn.vox-cdn.com/uploads/chorus_image/image/65303033/1158032398.jpg.0.jpg)
ក្លឹបមានមូលដ្ឋានរួមទីក្រុង At Madrid ចាប់ផ្តើមរដូវកាលថ្មីនេះយ៉ាងល្អ ដោយរកបាន ២៦ ពិន្ទុពីការប្រកួត ១០ លើកដើម្បីឈរនៅលើកំពូលតារាងនិងបង្កើនគម្លាតដល់ទៅ ៦ ពិន្ទុដាច់ពីលើក្រុមការពារតំណែងជើងឯក Real Madrid ដែលបច្ចុប្បន្នឈរនៅលេខរៀងទី ៤ តែមានការប្រកួតមួយនៅក្នុងដៃ និងមានគម្លាត១២ ពិន្ទុលើក្រុមលេខ ៩ Barcelona។
គួររំលឹកផងដែរថាក្រុមលោក Diego Simeone នៅមិនទាន់ស្គាល់ចាញ់ក្នុងលីកគិតចាប់តាំងពីខែកុម្ភៈមកម្ល៉េះ។
ខណៈ At Madrid បានលើកពាន La Liga ចុងក្រោយនៅរដូវកាល ២០១៣-២០១៤ ។សម្រាប់ការប្រកួត ៧លើកចុងក្រោយរបស់ At Madrid គឺមិនដែលចាញ់ និង ស្មើ ខណៈ Real Madrid បានចាញ់ ២ ក្នុងចំណោម ៤ លើកចុងក្រោយរបស់ពួកគេរួមទាំងបរាជ័យ២ទល់និង១លើក្រុម Alaves នៅចុងខែវិច្ឆិកានេះ៕
ប្រភពព័ត៍មាន៖ Sportsmole
