បរទេស៖ ក្រុម Atletico Madrid បានទទួលជ័យជម្នះក្នុងការប្រកួតក្របខ័ណ្ឌ La Liga រវាងក្រុមស្ថិតក្នុងទីក្រុងតែមួយ Real Madrid ជាលើកដំបូងក្នុងរយៈពេល៦ឆ្នាំ កាលពីថ្ងៃអាទិត្យ ខណៈដែលការដណ្តើមបានជ័យជម្នះក្នុងលទ្ធផល ១-០ បានធ្វើឲ្យក្រុមរបស់លោក Diego Simeone ខិតកាន់តែកៀកក្នុងការឈ្នះកៅអីទៅលេងក្នុងក្របខ័ណ្ឌ Champions League។
គ្រាប់បាល់ប៉េណាល់ទីនៅតង់ទី១របស់កីឡាករ Yannick Carrasco បានក្លាយជាគ្រាប់បាល់កាត់សេចក្តីនាកីឡដ្ឋាន Wanda Metropolitano នៅពេលដែលប្រកួតជាមួយនឹងក្រោមខ្សោយកម្លាំង Real Madrid ដែលបានប្រើប្រាស់ឱកាសនេះ ដើម្បីផ្លាស់ប្តូរក្រុម ក្រោយពីការវាយបកដ៏មិននឹកស្មានដល់របស់ពួកគេ ដើម្បីទម្លាក់ក្រុម Manchester City ចេញពីក្របខ័ណ្ឌ Champions League កាលពីថ្ងៃពុធ។ Atletico ស្ថិតក្នុងចំណាត់ថ្នាក់លេខ៤ ដោយនាំមុខ៦ពិន្ទុដាច់លើក្រុម Real Betis ក្នុងចំណាត់ថ្នាក់លេខ៥ ខណៈដែលនៅសល់ការប្រកួត៣លើកទៀត។
ការទទួលបានលទ្ធផលល្អប្រសើរជាងក្រុម Betis ពីជំនួបរវាងក្រុមទាំង២ មានន័យថា ក្រុម Atletico នឹងមានសុវត្ថិភាពក្នុងការបញ្ចប់ក្នុងចំណាត់ថ្នាក់លេខលេខ៤ ប្រសិនបើក្រុម Betis មិនអាចយកឈ្នះនៅលើទឹកដីក្រុម Valencia នៅថ្ងៃអង្គារ។ ប្រសិនបើក្រុម Betis ផ្តួល Valencia នោះក្រុម Atletico ត្រូវតែធ្វើឲ្យខ្លួនឯងមានសុវត្ថិភាព តាមរយៈការយកឈ្នះលើក្រុម Elche នៅរាត្រីថ្ងៃពុធ។ ក្រុម Sevilla ក៏ជិតបានឈ្នះកៅអីទៅលេងក្នុងក្របខ័ណ្ឌ Champions League ផងដែរ ក្រោយពីបានកត់ត្រាលទ្ធផលស្មើ ១-១ លើទឹកដីក្រុម Villarreal កាលពីថ្ងៃអាទិត្យ ដើម្បីនាំមុខ៧ពិន្ទុដាច់លើក្រុម Betis៕
ប្រភពព័ត៌មាន៖ Channel News Asia