បរទេស៖ ក្រុម Manchester United នឹងត្រូវប៉ះជាមួយនឹងក្រុម Real Sociedad ដែលកំពុងនាំមុខលើតារាង La Liga ក្នុងវគ្គ៣២ក្រុមចុងក្រោយនៃក្របខ័ណ្ឌ Europa League ក្រោយពីការចាប់ឆ្នោតកាលពីថ្ងៃចន្ទក្នុងទីក្រុង Nyon ពោលគឺបន្ទាប់ពីពួកគេបានធ្លាក់ចេញពីក្របខ័ណ្ឌ Champions League កាលពីសប្តាហ៍មុន។
Man United បានធ្លាក់ទៅលេងក្នុងក្របខ័ណ្ឌ Europa League ដែលពួកគេបានឈ្នះកាលពីឆ្នាំ២០១៧ ក្រោយពីក្រុម RB Leipzig បានទម្លាក់ពួកគេឲ្យធ្លាក់ចេញពីក្រខ័ណ្ឌកំពូលរបស់អឺរ៉ុប ក្នុងវគ្គចែកពូល។ ប៉ុន្តែ Sociedad គឺជាក្រុមមួយក្នុងចំណោមក្រុមដ៏ខ្លាំងបំផុតសម្រាប់ការចាប់ឆ្នោតក្នុងវគ្គ៣២ក្រុមចុងក្រោយ។ ពួកគេបានដណ្តើមយកចំណាត់ថ្នាក់លេខ១លើកំពូលតារាង La Liga កាលពីថ្ងៃអាទិត្យ និងបានឆ្លងផុតវគ្គចែកពូលនៃក្របខ័ណ្ឌ Europa League ក្រោយពីបានទទួលលទ្ធផលស្មើនៅលើទឹកដីក្រុម Napoli ស្របពេលដែលក្រុម AZ Alkmaar បានរងបរាជ័យនៅលើទឹកដីក្រុម Rijeka។
ក្រុម Napoli របស់លោក Gennaro Gattuso ដែលកំពុងមាន៤ពិន្ទុតាមពីក្រោយ AC Milan ក្នុងក្របខ័ណ្ឌ Serie A នឹងត្រូវជួបក្រុមខ្លាំងមួយផ្សេងទៀតរបស់អេស្ប៉ាញគឺ Granada ស្របពេលដែល AC Milan នឹងត្រូវប៉ះជាមួយនឹងក្រុម Red Star Belgrade៕
ប្រភពព័ត៌មាន៖ Channel News Asia