បរទេស៖ ក្រុម Chelsea តម្រូវឲ្យជួបការប្រកួតដ៏បំផុតក្នុងការចាប់ឆ្នោតនៃក្របខ័ណ្ឌ Champions League វគ្គ១៦ក្រុមចុងក្រោយ ក្រោយពីពួកគេត្រូវបានចាប់ឲ្យជួបជាមួយនឹងក្រុមកំពុងប្រជែងដណ្តើមពានក្របខ័ណ្ឌ La Liga គឺ Atletico Madrid។
នេះបើយោងទៅតាមការបញ្ជាក់រសប់លោកគ្រូបង្វឹក Frank Lampard កាលពីថ្ងៃចន្ទ។ ក្រុម Atletico របស់លោក Diego Simone កំពុងតែស្ថិតក្នុងចំណាត់ថ្នាក់លេខ២ នៅលើកំពូលតារាងនៃក្របខ័ណ្ឌអេស្ប៉ាញ ដោយមានពិន្ទុស្មើជាមួយនឹងក្រុម Real Sociedad និងនៅសល់២ប្រកួតក្នុងដៃ។ Atletico ដែលបានរងបរាជ័យក្នុងការប្រកួតលីកជាលើកដំបូងនៅរដូវកាលនេះ ក្នុងពេលចាញ់ក្រុម Real Madrid ក្នុងលទ្ធផល ២-០ កាលពីថ្ងៃសៅរ៍ បានបញ្ចប់ក្នុងចំណាត់ថ្នាក់លេខ២ ក្នុងក្របខ័ណ្ឌ Champions League ពូល A បន្ទាប់ពីក្រុម Bayern Munich។
នៅមុនពេលការប្រកួតនៅលើទឹកដីក្រុម Wolverhampton Wanderers ក្នុងក្របខ័ណ្ឌ Premier League នៅរាត្រីនេះ លោក Lampard បានប្រាប់អ្នកយកព័ត៌មានថា៖ «ខ្ញុំគិតថា មនុស្សភាគច្រើន នឹងនិយាយថា ការចាប់ឆ្នោតនេះ គឺជាការចាប់ឆ្នោតជួបគូក៏ខ្លាំងបំផុតដែលយើងអាចជួប បើធៀបទៅនឹងទម្រង់លេងបច្ចុប្បន្ន និងបទពិសោធ និងចំណាត់ថ្នាក់របស់ពួកគេនៅលើតារាង La Liga»។ លោកបានបន្ថែមទៀតថា៖ «ពួកគេគឺជាក្រុមមួយក្នុងចំណោមក្រុមដ៏ខ្លាំងបផុតដែលយើងអាចជួបក្នុងការចាប់ឆ្នោត ប៉ុន្តែ យើងត្រូវតែផ្តោតអារម្មណ៍ និងធ្វើការងាររបស់យើង ក៏ដូចជាជឿជាក់ថា យើងអាចផ្តួលពួកគេបាន»៕
ប្រភពព័ត៌មាន៖ Channel News Asia