បរទេស៖ លោក Carlo Ancelotti បានបញ្ជាក់ប្រាប់ថាកូនក្រុមសំណព្វចិត្តរបស់លោកគឺខ្សែបម្រើស្លាប James Rodriguez និងបន្តអវត្តមានជាមួយក្រុមកញ្ជ្រោងខៀវ Leicester City និងមិនទាន់ច្បាស់លាស់ផងដែរពេលក្រុមបើកទ្វារកីឡាដ្ឋានGoodision Park ទទួលក្រុម Arsenal នៅថ្ងៃសៅរ៏ ចុងសប្តាហ៏នេះ ។
ទោះយ៉ាង ណាអ្នកចាត់ការសញ្ជាតិអ៊ីតាលីរូបនេះជឿជាក់ថាJames អាចនិងវិលត្រលប់មកវិញក្នុងជំនួបជាមួយក្រុមបិសាចក្រហម Manchester United នៅថ្ងៃពុធសប្តាហ៍ក្រោយ។Everton បានទទួលជ័យជំនះលើក្រុមChelsea កាលពីសប្តាហ៏មុនដោយគ្មានវត្តមានកីឡាករអន្តរជាតិកូឡុំប៊ី រូបនេះ ស្របពេលក្រុមរហស្សនាមស្កគ្រាប់ត្រូវធ្វើដំណើរទៅសួរសុខទុក្ខក្រុមLeicester City នៅថ្ងៃពុធនេះ សម្រាប់ការប្រកួតក្របខណ្ឌ Premier League សប្តាហ៏ទី១៣។
ក្រោយផ្ទេរពីក្រុមអធិរាជស Real Madrid កាលពីដើមរដូវកាលនេះ Jamesរកបានគ្រាប់បាល់ស៊ុតបញ្ចូលទី ៣គ្រាប់និង បង្កើតឪកាសបាន៣ដងក្រោយបង្ហាញខ្លួន១០ប្រកួត៕
ប្រភពព័ត៍មាន៖ Besoccer