បរទេស៖ លោក Mikel Arteta អ្នកចាត់ការទូទៅរបស់ក្រុម Arsenal បានជំរុញឲ្យក្រុមរបស់លោក ប្រើប្រាស់ការប្រកួតដណ្តើមពាន League Cup វគ្គ៨ក្រុមចុងក្រោយ ជាមួយនឹងក្រុមម្ចាស់ការពារតំណែជើងឯក Manchester City នៅរាត្រីនេះ ជាកត្តាលីករ មួយ ដើម្បីផ្លាស់ប្តូរជោគវាសនារបស់ពួកគេ និងស្រោចស្រង់រដូវកាលរបស់ខ្លួន។
ក្រុម Arsenal បានរងបរាជ័យ៥លើ ក្នុងចំណោមការប្រកួតក្របខ័ណ្ឌ Premier League ៧លើកចុងក្រោយរបស់ពួកគេ និងស្ថិតក្នុងចំណាត់ថ្នាក់លេខ១៥ ដោយមាន១៤ពិន្ទុ ដែលជាលទ្ធផលដ៏អាក្រក់បំផុតរបស់ពួកគេនៅដើមរដូវកាល បើគិតចាប់តាំងពីឆ្នាំ១៩៧៤-១៩៧៥។ ប៉ុន្តែ ការដណ្តើមបានជ័យជម្នះនៅរាត្រីនេះ អាចនឹងកាត់បន្ថយសម្ពាធខ្លះចេញពីលោកគ្រូបង្វឹកសញ្ជាតិអេស្ប៉ាញ Arteta ដែលបានចូលកាន់តំណែងក្នុងក្លិបនេះ កាលខែធ្នូ ឆ្នាំមុន។ លោក Arteta បានប្រាប់សន្និសីទសារព័ត៌មានថា៖ «នេះគឺជាអ្វីដែលយើងចង់ប្រើប្រាស់ការប្រកួតនេះ។ នេះគឺជាយុទ្ធនាការមួយដែលយើងចង់ឈ្នះ។
យើងបានជួបគូប្រកួតខ្លាំងៗ២ក្រុម កាលពីមុន ពោលគឺការជួបក្រុម Leicester City និង Liverpool»។ លោកបានបន្ថែមទៀតថា៖ «យើបានផ្តួលក្រុមខ្លាំងទាំង២ ហើយបច្ចុប្បន្ន យើងសល់តែ១ជំហានទៀតប៉ុណ្ណោះដើម្បីទៅកាន់កីឡដ្ឋាន Wembley។ នេះគឺជាការប្រកួតដ៏ល្អសម្រាប់យើងក្នុងការលេង ពីព្រោះនេះជាប្រភេទនៃការប្រកួតដែលយើងកំពុងតែរង់ចាំនៅរដូវកាលនេះ»៕
ប្រភពព័ត៌មាន៖ Channel News Asia
