បរទេស៖ Lionel Messi បានតាមស្មើកំនត់ត្រាអធិរាជបាល់ទាត់ប្រេស៊ីលលោក Pele កាលពីថ្ងៃសៅរ៍ខណៈប្រធានក្រុមBarcelona រូបនេះបានបង្កើតប្រវត្តសាស្រ្ត ស៊ុតបញ្ចូលទីអោយក្លឹបតែមួយក្នុងអាជីពច្រើនបំផុត ។
Messi កំពូលខ្សែប្រយុទ្ធជាប់ជាកីឡាករលេងល្អបំផុតរបស់ពិភពលោក (World Player of The Year) វ័យ ៣៣ ឆ្នាំរូបនេះបានរកគ្រាប់បាល់បញ្ចូលទីលើកទី ៦៤៣ សម្រាប់ក្រុមយក្សកាតាឡាន់ ក្នុងលទ្ធផលស្មើគ្នា ២ទល់ និង២ ជាមួយ Valencia។ មានន័យថាកំនត់ត្រានេះបានតាមទាន់វីរបុរសដែលធ្លាប់ឈ្នះពាន World Cup ៣ដង ជាមួយប្រេស៊ីលរូបនេះធ្លាប់លេងអោយក្លឹប Santos នៅលីគកំពូលប្រស៊ីលនាពេលកន្លងមក ។
Pele បានទទួលស្គាល់ពីភាពអស្ចារ្យជាមួយការបញ្ចេញសំនេរ នៅនៅលើបណ្តាញសង្គម Instagram ទៅកាន់ Messi មានអត្ថន័យថា៖ “សូមអបអរសាទរចំពោះកំណត់ត្រាប្រវត្តិសាស្ត្ររបស់អ្នក ( Lionel )។ ប៉ុន្តែអ្វីដែលសំខាន់បំផុតនោះសូមរីករាយ ចំពោះការបន្តអាជីពរបស់អ្នកនៅបាសេឡូណា។ ហើយកំនត់ត្រានេះជារឿងដែលកម្រកើតមានណាស់នៅក្នុងបាល់ទាត់ពិភពបាល់ទាត់”៕
