បរទេស៖ ក្រុម Tottenham Hotspur នឹងត្រូវជួបប្រកួតជាមួយនឹងក្រុមស្ថិតក្នុងក្របខ័ណ្ឌលំដាប់ទី២ Stoke City ក្នុងការប្រកួតពាន League Cup នៅរាត្រីនេះ ប៉ុន្តែ លោក Jose Mourinho ដែលជាគ្រូបង្វឹកបានបញ្ជាក់ថា ដំណើរឆ្ពោះទៅកាន់វគ្គពាក់កណ្តាលផ្តាច់ព្រ័ត្រ នឹងមិនមានភាពងាយស្រួលឡើយ។
:focal(1101x463:1103x461)/origin-imgresizer.eurosport.com/2020/12/20/2959119-60738308-2560-1440.png)
Spurs និងក្រុម Newcastle United សុទ្ធសឹបានគេចផុតពីការជួបគ្នា ខណៈដែលក្រុម Arsenal ទើបតែបានរងបរាជ័យក្រោមស្នាដៃក្រុម Manchester City កាលពីថ្ងៃអង្គារ ហើយក្រុម Everton ធ្វើជាម្ចាស់ផ្ទះទទួលក្រុម Manchester United នៅសប្តាហ៍នេះ។ លោក Mourinho បានឲ្យដឹងថា លោកពិតជាបារម្ភពីផលលំបាកនានាដែលនឹងត្រូវផ្តល់ឲ្យដោយក្រុម Stoke ដែលបានបង្ហាញពីកម្រិតលេងយ៉ាងល្អ ក្រោយពីបានជួបភាពត្រដាបត្រដួសអស់រយៈពេល២រដូវកាល បើគិតចាប់តាំងពីធ្លាក់ចេញពីក្របខ័ណ្ឌ Premier League របស់ពួកគេ និងស្ថិតក្នុងចំណាត់ថ្នាក់លេខ៧ នៅលើតារាងលីក ពោលគឺក្បែរតំបន់ប្រជែងយកចំណាត់ថ្នាក់ Playoff នៃក្របខ័ណ្ឌ Championship។ លោក Mourinho បានប្រាប់អ្នកយកព័ត៌មានកាលពីថ្ងៃអង្គារថា៖ «ក្នុងក្របខ័ណ្ឌ Championship ក្នុងរយៈពេល១ទសវត្សរ៍ចុងក្រោយនេះ ភាពផ្សេងគ្នារវាងក្របខ័ណ្ឌ Championship និង Premier League ពិតជាតិចតួច។ ក្រុមជាច្រើន មានកម្រិតលេងខ្លាំង។
ពួកគេមានកីឡាករឆ្នើៗ និងគ្រូបង្វឹកល្អៗជាច្រើន»។ លោកបានបន្ថែមទៀតថា៖ «ហេតុនេះ ការដែលយើងត្រូវលេងជាមួយនឹងក្រុម Stoke ឬ Newcastle ប្រកួតជាមួយនឹងក្រុម Brentford មិនផ្តល់ការប្រកួតដែលមានភាពងាយស្រួលជាងក្រុមផ្សេងឡើយ។ នេះគឺជាយុទ្ធនាការដ៏លំបាកមួយក្នុងការឈ្នះ ហើយយើងត្រូវតែឈ្នះ៣ប្រកួតទៀត ដើម្បីលើកពាន»៕
ប្រភពព័ត៌មាន៖ Channel News Asia
