បរទេស៖ អតីតប្រធានក្រុមជម្រើសជាតិអង់គ្លេស និង Manchester United លោក Wayne Rooney ចាប់អារម្មណ៍ចង់នាំយកអតីតមិត្តរួមក្រុមរបស់ខ្លួន Phil Jones ទៅកាន់ Derby Country នាខែមករាខាងមុខនេះ ក្នុងលក្ខខណ្ឌខ្ចីជើង។
មានក្លឹប២នៅ Premier League ដូចជា Burnley និង West Brom ក៏ចាប់អារម្មណ៍លើខ្សែការពារវ័យ ២៨ឆ្នាំរូបនេះដែល ប៉ុន្តែមើលទៅ Phil Jones អាចនឹងសម្រេចចិត្តទៅចូលរួមជាមួយនឹង Derby Country ដែលមាន Wayne Rooney ដែលជាអតីតមិត្តរួមក្រុមរបស់ខ្លួនកំពុងធ្វើជាគ្រូបង្វឹកបណ្តោះអាសន្ននៅទីនោះច្រើនជាង។
បញ្ហាធំនៅពេលនេះគឺប្រាក់ឈ្នួលរបស់កីឡាកររូបនេះថ្លៃពេក ដែលជាមូលហេតុធ្វើអោយក្លឹប Derby Country កំពុងតែមានការស្ទាក់ស្ទើរ ប៉ុន្តែបើតាមការរាយការណ៍បានអោយដឹងថាក្លឹបបិសាចក្រហម Manchester United អាចនឹងជួយចេញប្រាក់ឈ្នួលកីឡាកររូបនេះខ្លះ ដើម្បីជួយដល់ Rooney ដែលជវីរបុរសរបស់ខ្លួន៕
ប្រភពព័ត៍មាន៖ The Sun
