បរទេស៖ គ្រូបង្វឹកក្រុមបិសាចក្រហម Man United លោក Ole Gunnar Solskjaer បានបញ្ជាក់ថា Phil Jones នៅតែស្ថិតនៅក្នុងផែនការប្រើប្រាស់សម្រាប់ក្លឹបក្នុងយុទ្ធនាការរដូវកាល ២០២១-២០២២ ។Jones មិនបានបង្ហាញពីការប្រកួតប្រជែងសម្រាប់ក្លឹបចាប់តាំងពីខែមករាឆ្នាំ ២០២០ ដោយសារតែបញ្ហាជង្គង់រយៈពេលវែងប៉ុន្តែរូបគេបានចូលលេងក្នុងជំនួប មិត្តភាពបាន ៣០ នាទីទល់នឹង Burnley កាលពីថ្ងៃអង្គារ។
អនាគតរបស់កីឡាករវ័យ ២៩ ឆ្នាំនៅ Old Trafford នៅតែជួបភាពមិនច្បាស់លាស់។យោងគេហទំព័រ Daily Mail បានចុះផ្សាយ លោក Solskjaer និងនៅតែដាក់កីឡាករអន្តរជាតិអង់គ្លេសរូបនេះអោយលេងនៅតួនាទិជាខ្សែការពារកណ្តាលម្នាក់ក្នុងចំណោម ៥ នាក់នៅរដូវកាលនេះ។ Raphael Varane បានមកដល់ក្លឹបនៅរដូវក្តៅនេះហើយអាចបង្ហាញខ្លួនលើកដំបូងរបស់គាត់ទល់នឹង Southampton នៅថ្ងៃអាទិត្យនេះខណៈ Victor Lindelof, Eric Bailly និង Harry Maguire កំពុងប្រជែងដណ្តើមតំណែងខ្សែការពារកណ្តាលផងដែរ។Jones នៅតែមានរយៈពេលពីរឆ្នាំទៀតដើម្បីបន្តកិច្ចសន្យារបស់គាត់នៅ Old Trafford ខណៈដែលគាត់បានបង្ហាញខ្លួនចំនួន ២២៤ ដងសម្រាប់បិសាចក្រហមក្នុងការប្រកួតទាំងអស់ដោយរកគ្រាប់បាល់បាន ៦ គ្រាប់និងបង្កើតឪកាស ១០ ដង ។
Jones ធ្លាប់បង្ហាញខ្លួនបានល្អបំផុតនៅព្រឹត្តការណ៏២០១១-២០១២ ដោយចូលលេងបានរហូតដល់ទៅ៤១ ដងគ្រប់ក្របខណ្ឌប្រកួត។ ប៉ុន្តែក្រោយមកJones បង្ហាញខ្លួនចូលលេងបានតែពីរដងប៉ុណ្ណោះនៅក្នុងក្របខ័ណ្ឌ Premier League ចាប់តាំងពីចប់យុទ្ធនាការរដូវកាល ២០១៨-២០១៩៕