បរទេស៖ លោក David Moyes កំពុងជំរុញឱ្យក្លឹប West Ham ធ្វើការចុះហត្ថលេខានាំយកខ្សែការពារ Phil Jones ពីក្លិប Man Utd ក្នុងការផ្ទេរដោយគ្មានតម្លៃខ្លួនឥតគិតថ្លៃនៅរដូវក្តៅនេះ។
គួរបញ្ជាក់ថាអ្នកចាត់ការទូទៅសញ្ជាតិស្កុតឡេនលោក Moyes ធ្លាប់រួមការងារជាមួយ Jones ក្នុងកំឡុងពេលដឹកនាំ Man.Utd កាលពី ៨ ឆ្នាំមុន ដូច្នេះហើយទើបរូបលោកមានបំណងចង់ត្រលប់មកជួបជុំជាមួយកីឡាករវ័យ ២៩ ឆ្នាំនៅភាគខាងកើតទីក្រុងឡុង។ Phil Jones បានចំណាយពេលមួយទសវត្សនៅកីឡាដ្ឋាន Old Trafford ដោយចូលលេងបាន ២២៤ ប្រកួតសម្រាប់ក្លឹបនិងធ្លាប់ឈ្នះពាន Premier League, Europa League និង FA Cup ។
អតីតកីឡាករជម្រើសជាតិអង់គ្លេសរូបនេះបង្ហាញខ្លួនបានតែ ៨ ដងប៉ុណ្ណោះក្នុងរយៈពេល ២រដូវកាលកន្លងមកហើយតែទោះជាយ៉ាងណាលោក Ole Gunnar Solskjaer បានត្រៀមខ្លួនរួចជាស្រេចក្នុងការបញ្ចេញកីឡាកររូបនេះដើម្បីផ្តល់ទីកន្លែងសម្រាប់ខ្សែការពារកណ្តាលចំណូលថ្មីជំនួសវិញ៕
ប្រភពព័ត៍មាន៖ Metro