បរទេស៖ Phil Jones នឹងត្រលប់មកជួយក្រុមបិសាចក្រហម Man Utd វិញបន្ទាប់ពីអវត្តមានរយៈពេល ២០ ខែ។ កីឡាករអន្តរជាតិអង់គ្លេសរូបនេះនិងមានវត្តមានចូលលេងសម្រាប់ការប្រកួតជុំទី ៣ Carabao Cup ថ្ងៃពុធជាមួយក្រុមញញួរធំ West Ham ខណៈដែលខ្សែការពារកណ្តាលរូបនេះមិនបានលេងឱ្យក្រុម ឡើយចាប់តាំងពីការប្រកួតជុំទី ៤ FA Cup ជាមួយ Tranmere ក្នុងខែមករាឆ្នាំ ២០២០ខណៈដែលរូបគេរកបានគ្រាប់បាល់ផងដែរក្នុងជ័យជម្នះ ៦-០ ។
ចាប់តាំងពីពេលនោះមកJones វ័យ២៩ ឆ្នាំបានតស៊ូព្យាយាលបញ្ហារបួសជង្គង់អស់ជាច្រើនសប្តាហ៏ ហើយទីបំផុតរូបគេ បានធ្វើការវះកាត់កាលពី ១៣ ខែមុនប៉ុន្តែការស្តារនីតិសម្បទារបស់គាត់មានភាពស្មុគស្មាញដោយសារការដាក់កំហិតលើការធ្វើដំណើរអំឡុងពេលបិទខ្ទប់ក្រោមវិធានការបង្ការការរីករាលដាលនៃមេរោគកូវីត-១៩ ។ លោក Solskjaer បានប្រាប់ MUTV យ៉ាងដូច្នេះថា: ខ្ញុំសប្បាយចិត្តខ្លាំងណាស់សម្រាប់Phil គាត់បានចូលលេង ៩០ នាទីពីរដងសម្រាប់ក្រុមអាយុក្រោម ២៣ ឆ្នាំ (Arsenal នៅថ្ងៃទី ១១ ខែកញ្ញានិងមួយទៀតទល់នឹង Brighton ប្រាំពីរថ្ងៃក្រោយមក)ហើយបានចូលលេងខ្លះសម្រាប់ការប្រកួតបិទខ្ទប់។ ជង្គង់របស់គេមិន មានអ្វីដែលជាប្រតិកម្មធ្ងន់ធ្ងរទេពោលគឺ Jones បានខិតខំហ្វឹកហាត់ ខ្លាំងក្លា ណាស់ ។
លោក Solskjaer និងដាក់ Jesse Lingardចូលលេងប្រឆាំងអតីតក្លឹប West Ham របស់ខ្លួនខណៈក្រុមទាំងពីរជួបគ្នាជាលើកទី ២ ក្នុងរយៈពេល ៤ ថ្ងៃដោយខ្សែបម្រើអង់គ្លេសរូបនេះបានចូលលេងជាកីឡាករបម្រុងដើម្បីរកគ្រាប់ជ័យជម្នះចុងម៉ោងទល់នឹង Hammers កាលពីថ្ងៃអាទិត្យ។កីឡាករ Michail Antonio ដែលជាអ្នកស៊ុតបញ្ចូលទីច្រើនជាងគេរបស់ West Ham អាចរកបានសម្រាប់ការប្រកួតបន្ទាប់ពីត្រូវបានព្យួរមួយប្រកួតកាលពីថ្ងៃអាទិត្យ៕
ប្រភពព័ត៍មាន៖ Sportsmole