បរទេស៖ ខ្សែប្រយុទ្ធឆ្នើមក្លិប Bayern Munich កីឡាករ Robert Lewandowski បានបង្ហើបប្រាប់ថារូបលោក ស្ទើរតែផ្លាស់ទៅចូលរួមជាមួយក្រុមបិសាចក្រហម Man Utd កំលុងពេលកំពូលគ្រូបង្វឹកលោក Sir Alex Ferguson នៅដឹកនាំ។
ប្រធានក្រុមជម្រើសជាតិប៉ូឡូញបច្ចុប្បន្នមានវ័យ ៣២ឆ្នាំកាលពីពេលថ្មីៗនេះត្រូវបានជាប់ឆ្នោត ជាកីឡាករឆ្នើមប្រចាំឆ្នាំ២០២០របស់ FIFA ឆ្នាំ ២០២០ ក្រោយជួយអោយ Bayern Munich លើកពាន ៣កាលពីរដូវកាលមុន។
Lewandowski បានប្រាប់ពត៌មានលំអិតលើករណីនេះថា៖ “ខ្ញុំបានជួបពិភាក្សាជាមួយលោក Sir Alex Ferguson កាលពីឆ្នាំ ២០១២ បន្ទាប់ពីរដូវកាលទី ២ របស់ខ្ញុំនៅ Dortmund។ គាត់ចង់អោយខ្ញុំមក Manchester ។ខ្ញុំចាប់អារម្មណ៍ខ្លាំងណាស់ហើយបានត្រៀមខ្លួនរួចជាស្រេច។ ប៉ុន្តែ Dortmund មិនអោយខ្ញុំចាកចេញទេ។ លទ្ធផលនេះមិនបានធ្វើអោយខ្ញុំអន់ចិត្តជាងនេះទេពីព្រោះ ពេលវេលាជាមួយDortmundគឺល្អប្រសើរបំផុតព្រោះបានជួយក្លឹបឈ្នះពានលីកកំពូលអាឡឺម៉ង់២ដង មុនពេលផ្លាស់ទៅBayern Munich នៅឆ្នាំ២០១៤”៕
ប្រភពព័ត៍មាន៖ Sportsmole