បរទេស៖ លោក Carlo Ancelotti គ្រូបង្វឹករបស់ក្រុម Everton បានសារភាពថាលោកបានច្រានចោលឱកាសក្នុងការដឹកនាំក្រុមបិសាចក្រហម Manchester United ពីព្រោះតែរូបលោកបានជាប់ពាក្យសម្តី និងគោរពការសម្រេច ចិត្ត របស់ថ្នាក់ដឹកនាំReal Madrid ដែលព្រមព្រៀងទទួលយករូបលោកទៅដឹកនាំពួកគេកាលពីឆ្នាំ២០១៣កន្លងទៅ។
នៅមុនការប្រកួតវគ្គ ១៦ ក្រុមចុងក្រោយនៃការប្រកួត ពានរង្វាន់ Carabao Cup នៅថ្ងៃពុធជាមួយ Man Utd នៅGoodision Park អ្នកចាត់ការសញ្ជាតិអ៊ីតាលីរូបនេះបានបង្ហើបប្រាប់ថា ខ្លួនបានទទួលការណែនាំ និងគាំទ្រពីសំណាក់គ្រូតា Sir Alex Ferguson អោយចូលមកដឹកនាំនៅកីឡាដ្ឋានOld Traffordមុនពេលកំពូលគ្រូបង្វឹកសញ្ជាតិស្កុតឡេនរូបនេះចូលនិវត្តន៍នៅឆ្នាំដដែលនោះ ។
Everton កំពុងតែឈរនៅចំណាត់ថ្នាក់ទី ៤ បន្ទាប់ពី ១៤ ប្រកួតដំបូងនៅលីកកំពូលអង់គ្លេស។សម្រាប់ប្រវត្តិជួបគ្នាកាលពីដើមរដូវកាល Everton បានបរាជ័យ ក្នុងលទ្ធផល៣ទល់និង១ ទោះបីមានឪកាសរកគ្រាប់បាល់នាំមុខនាពេលនោះយ៉ាងណាក៏ដោយ៕
ប្រភព័ត៍មាន៖ Goal
