បរទេស៖ វីរបុរសក្រុមបិសាចក្រហម Man Utd លោក Paul Scholes បានចោតជាសំនួរ និង រិះគន់ខ្សែបម្រើ Scott McTominay ក្នុងពេលដែលបណ្តោយអោយខ្សែបម្រើ Harvey Barnes ដែលរកគ្រាប់បាល់វាយបកតាម​ស្មើនៅតង់ទី១ពេលLeicester City ប្រកួតស្មើជាមួយ Man United ពេលបញ្ចប់ការប្រកួតក្នុងលទ្ធផល​២ទល់ងនិង២កាលពីយប់ថ្ងៃសៅរ៏។

ក្រុមភ្ញៀវរបស់លោក Solskjaer មានឪកាសរកគ្រាប់បាល់នាំមុខមុននៅកីឡាដ្ឋាន King Power នៅថ្ងៃ (Boxing day) ដោយកីឡាករ Marcus Rashford មុនពេល Havey Barnes ស៊ុតបាល់ពីចំងាយវាយបកតាមស្មើ។ ទោះយ៉ាងណា ខ្សែបម្រើ Bruno Fernandes មានឪកាសរកគ្រាប់បាល់ផុតដៃអ្នកចាំទី Kasper Schmeichel ក្រោយការបញ្ចូនរបស់ Edinson Cavani មុនពេល Jamie Vardy មានឪកាសវាយ​បកតាម​ស្មើវិញ​មុន​បញ្ចប់​ការប្រកួត។

ទោះបីអ្នកចាំទី De Gea មិនអាចសង្គ្រោះបាល់បានតែវីរបុរសនិងជាអតីតខ្សែបម្រើ Scholes បញ្ចេញការយល់​ឃើញ​ប្រាប់BT Sport ថាៈ “មិនមែនជាកំហុសអ្នកចាំទីការពិតគឺ McTominay ដែលគាត់នៅជិតកៀកជាមួយ និង Barnes ខ្ញុំគិតថាគាត់កំពុងតែប្រើប្រាស់គម្លាតសង្គម (Social Distance) ពេលកំពុងលេងបាល់ទាត់ហើយ ដែល​បណ្តោយអោយBarnes រកគ្រាប់បាល់បានដូច្នេះ”៕

ប្រភពព័ត៍មាន៖ Metro