បរទេស៖ អ្នកចាត់ការទូទៅក្រុមបិសាចក្រហម Man Utd លោក Ole Gunnar Solskjaer នៅតែមានសុទិដ្ឋិនិយម និងក្តីសង្ឃឹមក្នុងការប្រជែងតំណែងជើងឯកក្របខណ្ឌ Premier League បន្ទាប់ពីខ្សែប្រយុទ្ធ Marcus Rashford រកបានគ្រាប់បាល់ជ័យជំនះជិតបញ្ចប់ការប្រកួតជាមួយក្រុម Wolves។ គួរបញ្ជាក់ថា Man Utd ខកខានលើកពាន Premier League ៧រដូវកាលមកហើយពោលគឺចាប់តាំងពីការចូលនិវត្តន៏របស់លោក Sir Alex Ferguson។
ជ័យជំនះការប្រកួតសប្តាហ៏ទី១៥កាលពីយប់ថ្ងៃអង្គារបាននាំក្រុម Man Utd ឡើងមកឈរនៅចំណាត់ថ្នាក់លេខ ២ក្នុងតារាងលីកកំពូលអង់គ្លេសនិងមានគម្លាតពីក្រុម ការពារតំណែងជើងឯក Liverpool ២ពិន្ទុប៉ុណ្ណោះ។
អ្វីបានឈានទៅមុខយ៉ាងល្អប្រសើរ ក្រោយពីការចាប់ផ្តើមរដូវកាលថ្មីនេះអនុប្រធានប្រតិបត្តិផ្នែកទីផ្សារទិញដូរកីឡាករលោក Ed Woodward និងម្ចាស់ក្លឹបគឺគ្រួសារត្រកូល Glazer រងការរិះគន់ពិសេសលើការអនុម័ត្រច្បាប់ទិញដូរកីឡាករ និងកែប្រែច្បាប់ដឹកនាំមួយចំនួនដែលត្រូវបានមជ្ឈដ្ឋានគាំទ្រយល់ថាមិនបានបម្រើផលប្រយោជន៏ដល់ក្លឹបតែបានផ្តល់ផលប្រយោជន៏ដល់គ្រួសារមហាសេដ្ឋីជនជាតិអាមេរិកទៅវិញ។ Man Utdនិងបន្តការប្រកួតសប្តាហ៏ទី១៦ជាមួយក្រុមកំពុងឡើងជើង Aston Villa នៅថ្ងៃបុណ្យចូលឆ្នាំសកលស្របពេលដែលក្រុមចចកខ្មៅ Wolves និងធ្វើការប្រកួតនៅឆ្នាំថ្មី ២០២១ ជាមួយក្រុម Brighton នៅថ្ងៃបន្ទាប់៕