បរទេស៖ Manchester United នឹងត្រូវចំណាយទឹកប្រាក់ ប្រមាណ៧.៥ លានផោនដល់លោក Ole Gunnar Solskjaer ប្រសិនបើពួកគេ សម្រេចចិត្តចែកផ្លូវគ្នាជាមួយគ្រូបង្វឹកសញ្ជាតិ ន័រវេសចេញពីតំណែង នៅប៉ុន្មានសប្តាហ៍ខាងមុខនេះយោងគេហទំព័រ The Sun បានចុះផ្សាយ។ មានន័យថាលោក Solskjaer ដែល មានប្រាក់ ខែខ្ពស់បំផុតទី ៥សម្រាប់តំណែងអ្នកចាត់ការនៅលីកកំពូលអង់គ្លេស នឹងត្រូវទទួលបានប្រាក់បៀវត្សរ៍ពេញមួយ ឆ្នាំជាថ្នូរនៃការចាកចេញពីទឹកដីOld Trafford។
លោកSolskjaer ដែលកំពុងរងសម្ពាធបាត់បង់តួនាទីនៅតែបន្តដឹកនាំក្រុមក្នុងជំនួបនៅ Premier League នា ថ្ងៃសៅរ៍ ជាមួយមាន់ខ្នាយមាស Tottenham Hotspur បើទោះបីជាមានការអំពាវនាវចង់អោយវីរបុរសក្លឹបវ័យ ៤៨ ឆ្នាំរូបនេះចាក ចេញពីតំណែងជាបន្ទាន់ ក្រោយបរាជ័យចាញ់ក្រុមភ្ញៀវ Liverpool យ៉ាងអាម៉ាស់កាល ពី ថ្ងៃ អាទិត្យសប្តាហ៏មុន ។
អតីតអ្នកចាត់ការ Inter Milan លោក Antonio Conte បានក្លាយជាបេក្ខភាពដ៏មានសក្តានុពលក្នុង ការទទួលតួនាទីនេះប្រសិនក្រុមជើងឯកអង់គ្លេស២០សម័យត្រៀមផ្លាស់ប្តូរគ្រូបង្គោលឈុតធំរបស់ខ្លួនក្រោយពីអតីតគ្រូបង្វឹកReal Madridបានបដិសេធឪកាសមកដឹកនាំក្លឹបយក្សមួយនេះក្រោមហេតុផលថា ចង់ដឹកនាំជម្រើសជាតិវិញ។ Man United នឹងសម្រេចពីជោគវាសនារបស់លោកSolskjaer ពេលជួបTottenham និងAtalanta BCនៅក្របខណ្ឌ Champion League ព្រមទាំងគូប្រជែងរួមទីក្រុង Man. City មុនសម្រាកលក្ខណៈអន្តរជាតិនៅខែវិច្ឆិកា៕
ប្រភពព័ត៍មាន៖ Sportsmole