បរទេស៖ Cristiano Ronaldo ខ្សែប្រយុទ្ធឆ្នើមក្លឹបJuventus បានបញ្ជាក់ប្រាប់ថាមានសង្ឃឹម នឹងបន្តអាជីពបាល់ទាត់នៅរយៈពេលជាច្រើនឆ្នាំបន្តទៀត បន្ទាប់ពីបំពេញបំណងជួយជម្រើសជាតិលើកពានទ្វីបអឺរ៉ុបឆ្នាំ ២០១៦ កីឡាករដែលឈានចូលដល់វ័យ៣៧ឆ្នាំរូបនេះមានគោលបំណងធំបំផុតគឺចង់ឈ្នះពាន World Cup នៅប្រទេសកាតានាឆ្នាំ ២០២២ មុនបញ្ចប់អាជីព ។ម្ចាស់ពានកីឡាករលេងល្អបំផុតរបស់ពិភពលោកបាល់មាស(Ballon d’Or) ៥ សម័យកាលគឺជាកីឡាករដែលកំពុងរកបានគ្រាប់បាល់ច្រើនបំផុតនាំមុខគេនៅលីកកំពូលអ៊ីតាលី (Top Scorer) សម្រាប់រដូវកាល២០២០-២០២១ នេះទោះបីក្រុមការពារតំណែងជើងឯក Juventus បច្ចុប្បន្នឈរនៅលេខរៀងទី ៦ និង មានគម្លាត ១០ ពិន្ទុពីក្រុមកំពូលតារាងAC.Milan យ៉ាងណាក៏ដោយ។
គួរបញ្ជាក់ថាទោះបីឈានចូលដល់វ័យ ៣៥ ឆ្នាំតែ ប្រធានក្រុមជម្រើសជាតិព័រទុយហ្គាល់រូបនេះ ត្រូវការតែ៧ គ្រាប់បាល់ទៀតប៉ុណ្ណោះដើម្បីស្មើកំណត់ត្រាពិភពលោក ១០៩ គ្រាប់ដែលកីឡាករAli Daei របស់អ៊ីរ៉ង់ធ្លាប់ធ្វើបានកម្លងមកសម្រាប់ជម្រើសជាតិ។
រ៉ូណាល់ដូចាប់ផ្តើមអាជីពបាល់ទាត់ដំបូងជាមួយក្លឹបSporting Lisbon ដោយចូលលេងបាន ៣១ ដងចន្លោះឆ្នាំ ២០០២ ដល់ ២០០៣ មុនពេលផ្ទេរទៅ Man. United ក្នុងវ័យ១៨ ឆ្នាំ។ ក្រោយចំណាយពេល ៦ ឆ្នាំនិងចូលលេងបាន ២៩២ ប្រកួតខ្សែប្រយុទ្ធស្លាបរូបនេះត្រូវបានក្លឹប Real Madrid ផ្ទេរយកទៅរួមក្រុមនៅឆ្នាំ ២០០៩ និងបន្តអាជីពនៅលីកកំពូលអេស្បាញ៩រដូវកាលមុនពេលផ្លាស់ទៅJuventusនៅឆ្នាំ ២០១៨ ៕
ប្រភពព័ត៍មាន៖ BBC